真係好憎人係條街度大大聲劇透，一路行一路討論劇情，大佬呀，套戲你兩個睇哂就得啦！

如果呢個年頭，你買電話買16GB，或者8GB，一定俾人笑到面黃，但係今日嘅我好後悔買左64GB嘅電話。

現今世界嘅電話，係用嚟儲存人類回憶嘅地方，成日見有人唔見電話就喊苦喊忽，咩死鬼老豆老母張相係裡面呀，咩同D狗嘅相冇哂喇，咩個孫剛出世時影嘅相呀，幾乎所有重要嘅嘢都唔係放係夾萬或者曲奇罐入面，而係放喺電話。

有回憶就自然有你唔想見到嘅嘢，例如當你同某個人分開咗，以前你只要Delete咗佢個電話號碼同訊息就已經可以，但而家，你仲要開個電話嘅相薄出嚟一張張相去Delete！(當然，有人就算分開咗都唔鍾意Delete D相，仲俾人Hack埋添。）當要Delete個陣，回憶又湧上心頭，想剷機啦，入面又有其他嘢要留低，一路Delete，個心一路乸住乸住，明明係想忘記先Delete，但愈Delete愈難忘記。

呢個時候，你就會好憎部電話點解咁大容量，8GB咪好囉！駛咩影咁多相呀？電話打出打入咪得囉！真係自作自受。

當你Delete哂你唔想見到嘅相同片之後，你見到你部電話由50GB已用，變到得番30GB已用時，你就發現，原來大家嘅回憶只值20GB，呢20GB好難先有，但原來捨棄係咁容易。

攪完一大輪，望下部電話，你仲未Delete嘅包括：你班朋友 Whatsapp你...Read more

記得以前，上網好多嘢玩，上AKZONE睇自貼區、上XANGA打日記、上COOLMANMUSIC睇歌詞對住唱、畫畫叻嘅話，成日俾人叫去HKFLASH畫嘢留言。

以前用好多時間上唔同嘅網頁，去睇去用去玩佢。

而家，上咩網都係只會不停咁碌碌碌，連呃個LIKE都咁難嘅世界，仲邊會有人咁好心機喺你留言板畫幅畫？

AK公園又仲有幾多人記得？連家樂都冇埋喇......

你呢？有咩網你以前成日上？

送俾喺你人生中出現過嘅小毛孩－擺擺你條尾－ARHO SUNNY

我好感激一直陪伴我嘅狗仔，記住，你一生可能會擁有好多野，但佢地一生就只有你。 送俾喺你人生中出現過嘅小毛孩

當初 執你番嚟 仲記得你好拽 唔會停低 第一眼 見到我 就係咁吠 瞓覺個陣 成日要 瞓我隔離位 點解你好似 永遠都係 個細路仔 每日打開門口 就 見到你守候 每當我眼淚流 你會陪伴左右 一齊憂 一齊愁 一世嘅好朋友 如果時光會倒流 我依舊 將你收留 咁多年裏面 人事有幾多變遷 你始終都無變 一直係我身邊 雖然 你好鍾意 係咁奶我塊面 但我慶幸 你我有機會可以 遇見 其實我呢個主人有好多嘢做得唔夠好 有日 我知道 你已經慢慢開始老 個一刻 我只想緊緊將你擁抱 好想好想 同你 行 嚟緊 每一段路

一條友食飯，緊係要諗吓點先食得滿足，咁啱我呢排迷上咗食韓國嘢，差唔多成條尖沙咀「韓國街」嘅韓國嘢我已經試哂，包括一個人食韓燒，之前我話試過一個人食放題，好多人都話好小事，要一個人打邊爐先夠勁，咁啱我行「韓國街」搵嘢食時，路經呢間臭臭鍋專門店，心諗一句：「臭你又鍋？」抱著好奇嘅心態我去咗呢間嘢試吓。

新開張成班人排長龍，個個都成雙成對一班朋友咁，又係得我一個嗌一位，等左陣，我頭也不回咁入去坐底。點知我遇到一個人食飯嘅「天敵」— 就係搭檯。

旁邊搭檯嘅係一對情侶，兩個淨係溝D醬都玩一餐，玩玩下，毛啦啦靜哂，我偷偷地望一眼，原來係個女仔停咗手，望住個男仔係度露出一個羞澀嘅微笑。大佬呀，唔好咁啦，你地坐我隔離顯得我好慘，慘到我自己都要同情自己。

算，生意好唔通唔俾人搭檯咩，佢地有十款唔同嘅鍋，我果斷揀咗佢嘅招牌臭臭鍋。

「一個招牌臭臭鍋。」，侍應將個鍋俾咗搭檯對情侶，個女仔即刻攞部手機係咁影個鍋，但我心裡面就知個鍋係我嘅，不過我冇出聲。「一個芝士牛奶鍋。」，佢地聽到先發現調轉咗，所以話，愛情係盲目，盲到自己叫咗咩都唔知。

個鍋入面有十幾樣嘢，其中有樣嘢叫米血榚，聽我聽得多，但我第一次食，「知唔知呢D榚係俾殭屍食？」如果我身邊有人陪我食，我一定會咁同佢講，可惜我...Read more

荷里活連海報都唔識設計?? - 大陸 Arrival - Arho Sunny

鬼節毒到要搵鬼仔玩 －一個人捉迷藏 －ARHO SUNNY

恐怖! 試驗 一個人捉迷藏 有怪事發生??

唔知幾時開始，香港人好興話自己好毒，咩「我好毒咖，成日打機！」「我好鍾意龍珠咖！毒唔毒？」「我冇女咖！係毒男一個！」人人都爭住認自己毒，不論男女，有個「毒」字跟身就好似有光環咁，我呸！係我面前，跟本所有人都唔夠我咁毒。點解？咁我問你喇，你咁毒，試過一個人食放題未？

有日，我突然好想食放題，想狂啪三文魚刺生，但身邊冇人冇物，所以決定一個人都要去食放題。

放題，好明顯係為咗一大班人而設，俾你一路食嘢，一路同朋友吹水，我懷疑放題跟本冇預過有「一位」呢個設定，除咗有幾間聽到我話「一位」唔俾我入之外，你留意吓，平時旺角兆萬中心門口派放題傳單嘅哥哥姊姊，見到你一個人行的話，多數都唔會派俾你，甚至你行埋去想攞張傳單，佢都唔理你，嗰陣我先發現，原來一個人毒，連被介紹嘅權利都冇，Sell你都費事呀！

「易拉西而媽西，先生幾位？」，當我向個侍應講「一位」時，佢個反應明顯係應對唔到，招呼其他人佢好爽手，「兩位呢邊，九位埋邊！」但對住我，佢靜咗幾秒，「一位呀.....呀......一位呢度吖......」，面對住「一位」，老手都變初哥。

當我坐底時，其實四圍D人都唔會話特別理我，雖然我一個人坐喺度，但其他人只會當我等緊朋友，所以繼續高談闊論，大聲講大聲笑。隔左陣個侍應問我駛唔駛收走對面套餐具...Read more