呢排成日落雨，唔想出街唔係因為怕淋濕，係唔想見到你班唔識擔遮嘅香港人。

好多香港人真係唔識擔遮，有冇議員提出立法香港擔遮要攞牌??

立法會應該規定香港擔遮要考牌 - Arho Sunny

經過好多事，過埋選舉，沉澱完一排，都係時候重新上路，未必成功，但至少靠自己。

預咗呢度講政治冇人理，投票率新高唔好咁快開心住，開完票箱點埋先知贏定輸，我地唔要階段性勝利，我地要贏開巷！

今日咩都唔駛講咁多，去投票就可以。 唔好再講咩「點解香港會攪成咁？」 唔好再講咩「點解而家咁亂咖？」 就係因為身處亂世，先應該把握機會，記住，你嘅一票，可能就係改變香港嘅重要一步，永遠唔好睇少自己。

暑假眨吓眼就過咗，開學都係必然嘅事，開學最正，係一街學生妹，真係好正。

好掛住以前著校服嘅日子，校服呢兩個字離自己愈來愈遠，遠到差D唔記得以前日日都同一班學生妹喺同一間班房相處過。真係好奇怪，以前番學個陣成日都見到學生妹咖啦，個陣又冇咩嘢，而家大個咗，反而對學生妹有一種渴求，睇動作片要睇學生妹，某位靚女著校服會加佢分，上網見到有關「學生妹」呢三個字嘅嘢，都會不自禁睇下佢講咩（之後中伏原來係男人扮學生妹），對學生妹嘅追求，除咗係懷念青春，欣賞道德同性感嘅界線之外，我諗係因為，我地知道自己一世都番唔番校園時代嘅小小安慰。

細嗰陣，好想快D唔駛著校服出嚟社會，自自由由咁落機鋪打機，每當便服日嗰陣，就鬼咁開心諗著咩衫。有日，當你唔再需要著校服，正式成為一個「大人」踏入社會，你發現你要著嘅係一套套西裝、唔同嘅員工制服，呢個時候，你明白以前俾人追交功課、突擊測驗、留堂其實只係好小事，都唔夠你俾你老細催交Report、捽你數、逼你OT咁慘。以前小息、Lunch同班同學仔開開心心吹吓水，而家放Break已經攰到唔想講嘢，淨係諗自己幾時可以收工，食Lunch仲有可能要對住班八婆講是講非，一係就一條友帶飯。

日日著便服又點？收工想去打鋪機，間間都執哂，想同朋友食個飯，個個唔係未收工就話放工寧願番屋企抖吓...Read more

成班人毛啦啦狂推一碌嘢叫「唱K神器」，姐係一碌會自己播音樂，有內置Effect嘅藍芽無線咪。

先唔講佢係大陸出品可能會爆炸，淨係講個概念都有問題，其實成件事，你用部電話播音樂已經做到，你可能會話：「喂點同呀，支嘢有Effect！」，醒下啦，跟本你唱歌係好聽，清唱都已經可以，你估有Effect之後會令你唱得好聽咗，即刻有公司簽你出碟，俾你去紅館開演唱會唱人地D歌咩？

之後一定有人話買支嘢都係幾舊水，夠你唱足一世，反而俾錢去唱K，只係唱得個一陣，買支嘢唱化算好多啦！嗱，我自己就好少去唱K，不過仲記得成班人去唱K，大家爭咪、插歌、唔知點解，唱親《活著VIVA》都會High哂、係咁叫D有曖昧嘅男女唱合唱歌、失戀就點哂D失戀歌唱到喊，仲有好多好多嘢，係一間黑媽媽嘅K房，有好多唔同嘅回憶。反觀呢支所謂唱K神器，除咗買嚟拍片呃吓Like，我真係唔知仲有咩用。幾舊水買隻妖怪手錶唔好？我就唔信你會一條友坐係屋企攞支咪獨唱。

香港樂壇沒落，愈來愈少人唱K，當日喺K房點首《友情歲月》一齊唱，稱兄道弟嗰班，而家見到面都只係講句：「得閒出嚟飲嘢啦。」

其實，買碌垃圾咪呃Like，不如約埋班好耐冇見嘅朋友去New Way唱好K，爭吓咪，發吓癲，大笑一場好過。

**支咪個樣仲要好核...Read more

（無劇透）如果話《屍殺列車》係近年最出色嘅喪屍片，一D都唔過份。呢套戲簡直將喪屍電影重新定位。

面對天災、疫症甚至乎喪屍，最大嘅威脅始終都係人性。人類最大嘅敵人，就係人類，有起事上嚟，你會係保護自己，漠視他人嗰個？定係捨己救人嗰個？望吓你身邊嘅朋友、親人、戀人，如果聽日爆發喪屍病毒，你會唔會為咗保護佢而不惜犧牲一切？

失去一個人真係好快，可以係一兩句說話，可以係一場意外，可以係俾喪屍咬一啖，從此，佢就唔再出現係你生命裡面。好後悔，好後悔佢係度嘅時候冇話俾佢知你有幾愛佢，有幾關心佢，到最後一切已經太遲。《屍殺列車》令觀眾反思人類面對生死存亡，到底人性係咩？為咗生存，自私自利有冇錯？定要捨身先係偉大？愛情同親情又係咩？

唔想劇透，唔講得咁多，但想講套戲節奏緊湊，角色有好多，但都有非常好嘅刻劃，你會唔經唔覺代入佢地嘅處景，為佢地不憤同感動。演員個個都做得好好，男主角孔劉個樣成個張松枝咁，佢係戲入面嘅心理轉變完全發揮到佢嘅演技，大隻佬馬東錫開頭睇乸囗乸面，點知愈後愈喜歡佢個角色，小妹妹金秀安係全套戲表現得最好。仲有好幾幕真係睇到喊咗，最勁係有一幕，睇到差唔多成間戲院拍手掌，真係好耐未試過睇套戲個個又喊又笑又拍手叫好，同步率接近100%，證明一套好嘅戲真係可以觸動到唔同嘅人。

...Read more

當日因為選舉主任「認為」有問題，所以唔俾人參選，你唔理，因為你顧住玩Pokemon Go。

梁天琦俾人打，你唔理，因為又唔係打你。

學校唔俾人講「港獨」呢兩個字你冇所謂，因為你唔係教書，又唔駛番學。更加冇諗住講呢兩個字。

今日，周永勤俾人攪到棄選，你話男人老狗喊乜春秋？

某日，當你行街會毛啦啦俾人打，講錯句說話就俾人炒，仲拉去坐監。好啦，諗住靠投票去改變時，點解所有候選人都係奶共仲講普通話嘅？

你先發現一切已經太遲。