暑假眨吓眼就過咗，開學都係必然嘅事，開學最正，係一街學生妹，真係好正。

好掛住以前著校服嘅日子，校服呢兩個字離自己愈來愈遠，遠到差D唔記得以前日日都同一班學生妹喺同一間班房相處過。真係好奇怪，以前番學個陣成日都見到學生妹咖啦，個陣又冇咩嘢，而家大個咗，反而對學生妹有一種渴求，睇動作片要睇學生妹，某位靚女著校服會加佢分，上網見到有關「學生妹」呢三個字嘅嘢，都會不自禁睇下佢講咩（之後中伏原來係男人扮學生妹），對學生妹嘅追求，除咗係懷念青春，欣賞道德同性感嘅界線之外，我諗係因為，我地知道自己一世都番唔番校園時代嘅小小安慰。

細嗰陣，好想快D唔駛著校服出嚟社會，自自由由咁落機鋪打機，每當便服日嗰陣，就鬼咁開心諗著咩衫。有日，當你唔再需要著校服，正式成為一個「大人」踏入社會，你發現你要著嘅係一套套西裝、唔同嘅員工制服，呢個時候，你明白以前俾人追交功課、突擊測驗、留堂其實只係好小事，都唔夠你俾你老細催交Report、捽你數、逼你OT咁慘。以前小息、Lunch同班同學仔開開心心吹吓水，而家放Break已經攰到唔想講嘢，淨係諗自己幾時可以收工，食Lunch仲有可能要對住班八婆講是講非，一係就一條友帶飯。

日日著便服又點？收工想去打鋪機，間間都執哂，想同朋友食個飯，個個唔係未收工就話放工寧願番屋企抖吓，一係就話要番屋企食，慳錢供樓。好啦，想上個朋友度打機啦，又話女朋友喺度唔方便。

如果你仲番緊學，記得要試吓拍拖談戀愛，真咖，因為你大個咗之後，就永遠都試唔番咖喇，當然，要做捉安全措施。

最後，係度我想同咁多位學生講句：「我真係恭喜你呀，有得開學。」