錯過左3.14 The One音樂會？ 4.4復活節3pm仲有一場皇室堡KillerSoap音樂會，一樣唱足40分鐘！

KillerSoap唱出年青人心聲

樂隊KillerSoap日前於尖沙咀露天廣場舉行音樂會，吸引過百歌迷圍觀，期間主唱陳樂基high到站上咪箱，更一隻腳踏在鐵馬上演唱，希望能更貼近在場的聽眾。接受訪問時，他們坦言比較喜歡在戶外開騷：「因為一個表演好唔好唔係靠啲朋友講，係有幾多本來唔識你嘅人停低聽你唱歌，所以希望靠呢類嘅表演去知道大家鍾意唔鍾意你嘅音樂！」 他們又透露希望於今年暑假推出新EP，現時正努力寫歌中：「因為今次隻碟希望有主題啲，旋律同內容又好有關係，所以有時寫咗出嚟又唔鍾意，要由頭嚟過，希望將最好嘅嘢擺落隻碟度！（咩主題？）切合我哋呢個年紀嘅年青人心入面諗嘅嘢，因為覺得每個年代嘅人嘅內心世界都唔同，唯有將呢一刻我哋真正最想講嘅嘢講出嚟，大家係最易感受到嘅！」 #KillerSoap #band #rock