官方艺术家
Ken Lee Dirty Panda
画家, 摄影师
223,957 查看|
685
更新
有冇人等出文？有冇人追post先？
琴晚係溫泉酒店，將個人叉返電，去check in 之前去咗山川漁港，一個盛產鰹魚係地方。 一塲嚟到，一定要試吓鰹魚有幾堅，叫咗個西方風味嘅刺身，係鰹魚上面加上香草橄欖油同蔥花，幾好味。晚上去咗酒店介紹嘅拉麵店，佢特別之處係有現場即磨鰹魚放係麵上面，仲可以自己磨㗎。食完個麵仲有一碗加咗蔥花、紫菜同鰹魚碎嘅白飯，加入食完碗麵嘅湯做茶泡飯，真係真。好食！
今日就要座4個半鐘巴士，由鹿児島經過300km路程去福岡，希望座得cc伏伏就唔好中伏啦。
完～
開估，今日揸車由鹿児島去指宿，一個近海嘅溫泉市鎮，首先揸車到相傳有水怪嘅池田湖食咗個流水面，用山水引入迴轉水槽，放素面入去，之慢慢享用。 食飽再去咗享受沙溫泉，個package 包括15分鐘沙溫泉同指宿曾入日本十絕境嘅，露天風呂たまて箱溫泉，望住個海真係好靚。
完～
食乜呢？
完～
一早起身，車又未夠鐘攞，寫琴晚宵夜先，呢間野其實成日本都有，個名都係XX(地方名)食堂，賣小菜，飯，麵之類。佢最好地方係d小菜全部細細份，一人份量，同埋真係平，而日本人就覺得佢有屋企食飯嘅感覺。好似我呢個宵夜，中華拉麵、凍豆腐同明太子煎蛋，我覺得好飽。佢地真係一人旅行好幫手，早餐都好食㗎。
埋單:¥786
完～
到咗鹿児島，梗係食六白黑豚啦， 六白就係指頭、尾同四隻腳都係白色嘅黑豚，九州鹿児島特產。出名味清甜，油香，最適合做Sabu Sabu。 今晚呢間餐廳係四圍行字突然間搵到嘅，有時漫無目的四圍行你總會有發現，上Tabelog睇吓都Ok喎，夠鐘開門就入去。叫咗個極上六白黑豚set,有炭燒同火鍋2種，而火鍋又可揀SabuSabu Sukiyaki湯底，為求食到黑豚嘅清甜梗係揀Sabusanu 啦。 先嚟前菜，炭火燒蝦、雞肉同魷魚，之後六白黑豚出塲，好甜，d油好香，加上柚子醋，味道一流！個set仲有茶碗蒸，雞肉刺身，針魚刺身，兩件魚蛋，吉列漢堡同飯。樣樣都好好食，有機會一定一定返嚟，環境仲要好靚員工十分有禮貌。
埋單¥2870
完～
食完個早餐，check out 之後就去宮崎站搵個Locker 放低d行李，溫馨提示，大家有大型嘅行為請早啲去到車站搵locker，因為大型locker比較小而且有其他人有可能需要所以早啲去搵咗先，免得要拖住個喼四圍行。
買定12:30特急去鹿児島，係吖九州新幹線係去唔到宮崎，所以只有特急，已經比正常速度快一陪正常速度要成三個鐘先到，而家2粒唔洗。
見有時間去行下宮崎神宮，日本人一般新一年都會拜神，可能平日嘅關係宮崎神宮冇乜人，難得可以係神宮附近影相唔會影到人山人海都算係第一次。
行完就去宮崎我最推薦嘅午餐，¥1080Lunch Set 有前菜、湯、麥飯、自助咖啡茶同主菜。而主菜係炭燒仙台牛舌！老細兜口兜面係我面前燒架！爽、香、好食至緊要係好抵食。佢仲有一個set係用宮崎牛，有機會大家可以試吓！
完～
宮崎半日行程由早餐開始，酒店早餐都係一般啦，有碗飯有納豆就ok啦。我明白有好多人接受唔到，但係同臭豆付、榴槤、松露一樣，你一愛上就睇唔到佢奇怪一面。呢個世界乜人都有，有人會選擇食蘇眉，有人會選擇食納豆，有人會選擇食納豆嘅蘇添，真係講你都唔信，若果你未覺荒謬(有聲嘅？) 完～
一個人去旅行，最怕口臭。你試過一個人去旅行大既知我講乜，意思係話因為一個人去旅行冇人同你講嘢太耐，而引致口臭。 病發嘅時候一般會周街搵人同你吹水，有機會就同人講野，過馬路阿婆唔會放過，火車站買飛阿叔你唔會放過，酒店check-in個reception你唔會放過，餐廳嘅一個waitress都唔會放過。 就係因為咁我今日因吹水，而去咗一間餐廳，或者應該話係一間小酒吧，日本人好鍾意飲酒，所以佢哋飲得酒嘅地方都一定有好嘢食。 我今晚嘅menu 前菜係酒吧老板請嘅牛肉薯仔小菜，之後叫左一個豆腐沙律加紫菜汁，上邊再有一d炸粉絲口感十分之好。再嚟係宮崎特產地頭雞，雞肉香甜、軟熟。用炭火炒表面有焦黑係佢嘅招牌外表。另外一個宮崎代表係南蠻雞，雞肉依然香甜炸完之後加上乳酪醬汁好清新。主角出場宮崎牛扒三成熟配上少少沙律，可以點姜蓉、Wasabi或者檸檬汁來食，牛味濃厚。最後都係一個未必咁多人認識嘅宮崎代表，用薄切嘅豬肉包住飯團加上燒汁之後煎熟，肉汁完全比中間嘅飯團吸收，作為呢餐飯嘅結尾可以話係完美！ 埋單4760円
完～
我好似食濟咗，今日食得3餐，原本想食果間海膽三文魚子飯又冇開門，唯有求其食若狭家，都好過冇，之後因為今日下晝飛宮崎，所以係機場又食多次壽司。
希望今晚回復狀態，宮崎牛吖！
完～
好似燒肉食上引，走返去琴晚果間試吓個1000円set，冇上肉噤好，但係都可以同抵食，加杯可樂，埋單：$1290円 抵食！
完～
All MTN Hardcore colors are back in stock!!! Keeping your handz dirty since 2002!!!
