Official Artist
Helen To
Screenwriter
, MC / Show Host
, Author
763,856 views|
916
Posts
呢輪天氣突然急升,濕到飛起,搞到我嚴重濕疹大爆發!!!好慘!!成塊面又紅又腫,豬頭一樣!!!痕到呢!!!好似nonstop被火燒緊咁!真係無間地獄呀!!!結果車輪轉睇咗幾個中醫,喪戎口,每日淨係食白飯加菜心,肉都唔敢食...汽水又唔比飲,十足十女子監獄咁!!好彩我"守行為"守得好!醫生都話我咁嚴重嘅濕疹竟然好得咁快!不過苦茶要繼續食,應該直到永遠...阿門! "神呀!可否給我多一枝可樂!!!"
呢幾日,日日困咗喺屋企,街都唔肯去,原因1.腫到豬頭咁! 原因2.出面天氣太濕,唔敢亂將塊臉交比呢d天氣摧毀!於是日日同這個女子監獄內嘅同僚玩--- introducing my TOTORO family!!!
風行全世界(英文名叫BLOW THE WORLD)即將面市!今日就要影定啲宣傳相先!
so..... Let me... BLOW THE WORLD!!!!
我係"老模"!!! hahhahahha......
trying to look cool.... just trying and trying...... i guess i failed....
恭喜發財各位街坊!!!!祝大家星洲炒米,陽洲炒飯,海南雞飯,干炒牛河,雲吞撈麵,紅燒乳鴿,郊外油菜,魚翅撈飯,鮑魚煲雞,冬菇花膠,雪菜火鴨絲炆米,魚香茄子煲...同...法蘭西多士!!!總之今年有啖好食啦!!!恭喜恭喜!!!!!
muimui逗利是逗到呆咗!!
街坊同樂日BBQ gathering嘅相已經剛剛搽完蜜糖,燒好咗嘞!大家可以選擇睇完d相當甜品食咗佢都得架!!
首先好多謝大家咁就我,寵到我咁壞,改咗期都仲肯嚟!所以小弟當日病到暈低咁淨,都要頂硬上,帶病上陣!主要,都係出自一番好意,希望將我嘅病菌傳染比你地,等你地可以請病假,攞sick leave! (希望有人攞到啦! hahaha...) 哈,點知一見到你地我自己就反而精神返哂喎!你地呢班街坊....真係....勁....!....掂....呀! 無得頂啦!仲邊有得頂吖?!!?
起來不願做奴隸的人民~~~~!!!
剛從泰國蘇梅拍攝回來,曬到黑哂!返到屋企嗰吓,我阿媽仲以為我係上嚟執屋嗰個鐘點女傭潻!!!唉...真係熱辣辣嘞....興到!!!(both mentally and physically!)蘇梅真係好好玩,好舒服,啲嘢又好食...直頭係人間天堂呀!!!喺嗰度住一世都制!!!
蘇梅之旅將會係"風行全世界"嘅第三炮,睇完巴黎同新加坡之後,大家就可以睇到我喺蘇梅點發癲,同埋點樣玩到拉親條肋嘞!!
又賣下廣告先...hee.. "風行全世界"喺3月28日晚,喺NOWtv 100台正式首播!!! 各位街坊嗰晚如果冇乜嘢做嘅話就捧吓場,睇吓,比啲意見啦!!
比住啲相你地睇吓先,呢幾張叫"真過期"....! haha...
我地個gathering要改期改期呀!!!真係害到你地未燒都慶烚烚啦!!!! SORRY SORRY SORRY!!!我錯我錯我錯!!!
由於突然間接到通知,(我真係尋日至知咋!)下星期要飛去外地拍嘢,梗係"風行全世界"啦,咁無理由為咗我地自己玩自己聯宜,而唔去拍個節目比大家睇架!!真係左手又係肉,手背又係肉!!!希望大家原諒我丶體諒我丶同明白我啦!!!
日期:2月6日(六) 順延一個星期
地點:照舊 (九華徑xxxxx)
時間:照舊 (6pm-11pm)
入埸費:照舊 (under $100)會長Roni會再次逐一send email通知比報咗名,但而家好想打我一獲嘅街坊們!!
如有任何問題,請emai到會長 Roni 個email : wingluih@yahoo.com.hk
如有任何投訴,請直接喺我個blog呢度鬧我!唔關佢事架!佢義工嚟架咋!!!
十萬個對唔住一衆請咗假或調咗假嘅街坊!!原來調唔到假嗰個係...Read more
Welcome to my new handmade "Sex and the City wardrobe"!! heehee...
各位街坊,素顏如風跟素顏muimui合府同人向大家講聲 : "祝你地新年快樂..過我(有D難度架吓!!),身體健康過我(呢個好易,因為我財多身子弱! haha!)...同埋賺錢賺得多過我!(咁好易啫,我洗得咁勁! heehee...)
呢2日忙住幫班好兄弟LMF搞reunion嘅concert,下午5點幾就要開擋嘞!賣完D Limited Edition 嘅精美products後,仲要即刻衝入去睇show撐塲!!!個show就直情係 "無得頂"啦!連我都stage dive埋, 就知個塲有幾HOT啦!!!
未買飛嘅唔緊要,聽晚3號,最後一埸啦!仲有飛賣架!!!我地有一班非常高質數嘅靚女sales會一早企定喺賣限量tee個攤位等你!!!!喺呢班高質數裏面,我算係最"yor"嗰個架啦!唔買都嚟望望啦!!! ...Read more
好耐無update過個blog,我梗係掛住玩啦!年尾收爐啦嘛,唔通仲開工咩(對唔住..所有仲要開工嘅街坊!)
一年一度嘅大日子---唔係聖誕節...係Boxing Day...好姐妹何超(媽媽)嘅生日!!!生日會就梗係有dress code啦!!媽媽係個Movie Star...所以dress code就係MOVIE STAR嘞!!!嘩,呢個主題難諗囉!!!咁多套經典電影咁多個經典角色...本來最想扮"花樣年華"嘅"蘇麗珍",不過張曼玉太靚,自問扮唔起(當然亦都係因為媽媽無請梁朝偉嚟佢個生日party啦)...最後都係決定扮醜最穩陣...
~~~情與義...值千金~~~
撈埋一齊嚟做瀨尿牛丸吖笨!!
I am now in... SINGAPORE~~~~ and... IT ROCKS!!!
Sorry I am writing this blog in English... coz I'm very very tired..... shopping....TOPSHOP ROCKS!!! the clothes there are like free!!!! all my friends, including me, just went crazy inside the shop and i think we almost buy the whole shop!!!
