官方艺术家
杜如风
编剧, 主持人, 笔者
763,856 查看|
916
更新
聖誕加新年除夕的瘋狂派對剛剛過去,轉眼間,又要養足精神準備迎接農歷新年的
博殺魚蝦蟹戰局了!真忙!哈哈!由於今年冬天特別凍,所以我決定在農歴新年之前
加多一個節目給自己,就是去日本滑雪了!!「橫掂坐喺屋企都凍成咁咯,一不做、
二不休,索性捉埋幾個friends上雪山,凍死罷就!!」
很久沒滑過雪,至少2年了,一直都很忙沒時間去,今趟趁第2輯「風行全世界」
延遲到農曆年後才播放, (又延遲!2月13號晚9:30, NOW TV101台,隆重首播!
sorry,又賣廣台!哈!)算吧,我總算可以偷幾日時間去享受大自然,順便强身健體一
下!Good!
我發現自己越來越像一隻住在Safari 的野生動物, 或是一個患風濕的阿婆, 全憑身體皮膚的直覺, 便自自然然地知道: 「嘩, 隻手踭好痕啦,... 又轉天氣啦!! 聽日一定落雨啦! 」( 像預言家一樣!) 完全不需看天氣報告, 甚至可以自己報告天氣。在轉天氣時候, 小女的皮膚敏膚及嚴重濕疹, 「發揮得特別精彩、特別猛烈、特別痕、亦特別腫!! 」
我患有先天性皮膚敏感症,
實在很想問問,
天文台會否請「儀器」呢?
我這部人肉天文台,
非常慳電、絕對環保,
每日只須給我兩個飯盒就可以全天侯為你報天氣!(
當然汕尾以南、沙堤以南…等等那些極度專門的報告,
小女實在是無能唯力去測試!)
唉…算了吧!
還是醫好自己的皮膚緊要過見這份工Read more
生濕疹都生到可以做代言人。呢次真係 曠古爍今耐人尋味加匪夷所思啦!!!大家
都應該知道我天生患有嚴重濕疹及皮膚過敏,敏感程度自命「準過天文台」、亦
不下於「患風濕的阿婆」!小弟經常被痕腫痛癢紅襲擊,然後就會即時對身邊的朋友說:「唉,聽日一定落雨!」萬試萬靈的可憐兒!想不到今日,竟然抓痕都抓到得廣告商垂青,是好事還是悲事呢?!當然是一件好到不得了的事啦!!因為以我這位濕疹專家的經驗之談;濕疹,是不會斷尾的,(關係就像我跟我雙親一樣,鬧過你死我活後,還是要同枱食飯,同居屋簷下!)既然註定走不出濕疹這座五指山,要終生買專門嘅護膚品,現在難得因為「我的痕」,得到PHYSIOGEL的垂青,那就可以省回不少醫藥費了。
往倫敦拍攝第二輯「風行全世界」, 老實說, 壓力很大: 壓力1). 第一輯有不錯的成績,觀眾有了expectation, 所以第二輯就算不能超越第一輯, 也至少要有第一輯的水準! 這是無形壓力,怎也拂不去! 壓力2). 英磅很貴! 而倫敦的living standard更貴! 吃一餐麥當勞都要過百元港幣! 單單酒店費已經花了我3萬多元! 我這個「管數婆」今次真的要一眼關七, 精打細算一點了! 盡能力在不超資的情況底下安全返港! (請大家祝福我!謝謝!) 壓力3). 皮膚狀況。大家都知道小女極度皮膚敏感、兼患有嚴重濕疹! 每次知道自己要去歐洲這些較乾早的地區拍攝, 皮膚一定受不住! 上次巴黎一役已經全軍覆沒, 濕疹大爆發, 紅腫痛癢痕天天轟炸我, 令我苦不堪言, 更讓我愉快的巴黎之旅蒙上一份污點。
記得上次我用長城醒獅的那張相去參加了由ellesse舉辦, Lonely Planet協辦
的全球網上攝影比賽’Sport and The City’嗎??我今日收到一個很壞通知…我輸了!無得免費去歐洲旅行了! (crying….)但我認輸,並輸得心服口服,總之就輸得好舒服!hahaha….點解??!因為世界各地的參賽者的水準實在太高了,簡直是蚊比同牛比,「尾燈都見唔到!」不信的話,可以自己登上他們的網址( www.ellesse.com/sportandthecity ),你便會明白什麼叫做專業攝影、什麼叫做純粹白痴!
不過最緊要多謝你地呢次?為我投的票!你地真係堅呀!!我諗你地直情煲爆咗人地個site咁滯啦!!其中有一位小弟的支持者,留言對我說:「我一個人一日vote一千次,但係始終敵唔過對手!如果每日有多一個人好似我咁幫你投票,你實贏硬架!!為咗我可以免費旅行or自私地為咗我會「借啲易」喺呢個免費旅程中順便拍埋全新一輯「風行全世界」返嚟比你睇,先至咁落力呀? hahahaa…講笑咋!其實你投我一票,我已經好開心架啦!!咁多街...Read more
最近由於港人在菲律賓遇難事件,令全個香港的負能量指數直標新高點,實在沒有太大心情拿起枝筆寫字，就算連話都不想說多句。心痛過、痛哭過、震驚過、忿怒過、再痛哭過…心;仍然是壓着的痛,淚仍然悄悄在流。大家的心情都跟我一樣吧?
相信你們心中那股怒火,一定不比我少,但既然已成事實,不能案件重演,再駡那班廢柴下去,犧牲了的勇者,都返魂無術…我們倒不如將我們一頭蓋着的負能量化成正能量,去幫助劫後的餘生,失去相親的、仍在搶救的…你們要振作、要捱下去,人間有愛、香港有情,我們每一個人都在支持你,要頂住呀!前面還有很遠的路要走,跌倒了,要學懂爬起來,繼續堅强地走下去!請大家將我們積聚多日來的忿恨、憤怨化成正能量,一齊用念力喚醒頌學弟弟:「頂住呀仔!你媽咪好需要你架!為咗你嘅妹妹、為你嘅媽咪、為咗你自己,你一定要好返呀!!!」「要幫忙隨時出聲,我地成個香港撐實你架!!」
公道,一定要討回來。我們香港人是文明人,受過教育的,跟那個什麼「手提電話總統」是不同level的,我們是人,他畜生也不如,希望有關當局,能夠妥善地利用文明的辨法去處理這件非常不文明的慘劇,並順手處決這件不可容忍的人渣!!
生命無常,我們要珍惜、要感激…因為活着…多好。
科技發達,我們都生活在互聯網上,所有新聞、資訊、娛樂、聯絡、甚至購物,一部電腦「搞掂哂」。喜歡時裝的人,會不停瀏覽世界各地的fashion site及online shopping,而fashion blogger亦越來越多。我自己每晚也會花很多時間在網上遊逛所有跟時裝有關的網站,online shopping之餘,又看看一眾fashion bloggers有什麼新推介或新造型。個人看過很多fashion blogs,老實說,有一大班是「無料到」,是來混水摸魚的,我通常都會破口大罵:「有冇搞錯呀? 呢啲都叫時裝呀?娘到咁、mix & mix都仲搞膽放出來跟人分享,我真係瞓着咗都差啲比佢嚇返醒!」
小女唯一會bookmark的fashion blog,在香港來計,只有5個:Wyman、黎堅惠、阿徐、Dorothy(阿徐的工作partner)及Judy Ip。個人認為這5個人才是高水準的fashion icons,非常stylish,他們是真心真意地愛時裝的,亦加了很多原創在時裝上。以上敘述的頭4位icon人物,大家都應該認識,那Judy Ip是誰呢?聽都沒有聽過吧?
Judy Ip這個名字在市面上是比較陌生,因為她為人很低調,但來頭絕對不少...Read more
最近比較少時間update我這個blog,不是因為我懶,更絕對不是我遺忘了你們這班好街坊,絕粹是因為我真的很忙!忙着為「風行」系列宣傳,差不多每天都接到工作通告,每天都要晨早彈醒去整頭化妝,忙到「風行」變「瘋行」了!近幾個月來都馬不停蹄,人不停腳,
突然發現自己原來已經很久沒有到處逛街shopping買衫、沒有做facial、甚至連病了也沒時間看醫生!(
僥倖自己天生爛命一條,無咁容易死得去
千辛萬苦,從我三千幾張 “生蝦咁跳”嘅環遊世界相簿裏面,終於揀咗
呢一張"長城醒獅"嚟參賽!首先要多謝各位街坊嘅寶貴意見，似乎大家都想我贏！嘻
嘻！本來有好多街坊都提議我揀 “巴黎鐵塔耍雙節棍”嗰張,覺得夠哂中西文化
交流,我都相當認同。但我嫌嗰張相我影得唔夠動感,(因為我耍得唔叻,唔夠氣
勢)!所以我諗諗下都係想用長城醒獅嗰張啦!嗱, 一個中國人,喺一個最有中國歷史
背景嘅地方,做一種中國最傳統嘅運動...係咪有意義d呢? 咁啱我上次去拍<風
行全世界>時,喺出發前已經諗好咗我拍長城時一定要做一啲好 “爆”嘅嘢,但又要
顯示到我對長城嘅respect!於是尊誠買件中國衫再抬埋個獅頭上長城拍!仲有我
喺出發前煲哂三套 “黃飛鴻”,學舞獅頭添！今次直頭貼曬題，夠哂Sport and the
City啦！
哈,結果真係有咁啱得咁橋,飛機都撞紙鳶,拍攝節目時候,影到呢張獅頭在長城上
空飄揚嘅相,夠哂氣勢啦!如果可以加BGM的話,用埋 “男兒當自強”,我諗贏面大啲
添!
...Read more
書展簽名會順利完成!真的非常感激所有來支持我的人!各位街坊對我
的愛,實在令小弟受寵若驚!請受小女子一拜!你們是最好的,你知道嗎?
簽名會興奮過後,難免有點“簽後仰鬱症簽後抑鬱症”!應該是興奮心情未能平伏,瞓
極都瞓唔著,於是 “宅女上身”,不停在網上search來search去,哈!又被我找到一
個很有趣又很有勝算在握的攝影比賽! 原來運動服裝飾品牌ellesse舉辦了一個
網上全球網上攝影比賽，全題是「Sport and the City」！仲要是我一向最...Read more
