我輸了!!!

記得上次我用長城醒獅的那張相去參加了由ellesse舉辦, Lonely Planet協辦

的全球網上攝影比賽’Sport and The City’嗎??我今日收到一個很壞通知…我輸了!無得免費去歐洲旅行了! (crying….)但我認輸,並輸得心服口服,總之就輸得好舒服!hahaha….點解??!因為世界各地的參賽者的水準實在太高了,簡直是蚊比同牛比,「尾燈都見唔到!」不信的話,可以自己登上他們的網址( www.ellesse.com/sportandthecity ),你便會明白什麼叫做專業攝影、什麼叫做純粹白痴!

不過最緊要多謝你地呢次?為我投的票!你地真係堅呀!!我諗你地直情煲爆咗人地個site咁滯啦!!其中有一位小弟的支持者,留言對我說:「我一個人一日vote一千次,但係始終敵唔過對手!如果每日有多一個人好似我咁幫你投票,你實贏硬架!!為咗我可以免費旅行or自私地為咗我會「借啲易」喺呢個免費旅程中順便拍埋全新一輯「風行全世界」返嚟比你睇,先至咁落力呀? hahahaa…講笑咋!其實你投我一票,我已經好開心架啦!!咁多街坊支持我,投咗我咁多票,各位兄台請受小弟三個大響頭啦!(1個、2個、3個!聽唔聽到咯咯聲呀??)輸咗個攝影比賽唔緊要,最緊要係贏到你地呢班好街坊嘅支持!!所以我都話咗我輸得好舒服囉!原來咁多人撐我,咁我唯有自費去旅行,努力拍好啲個節目嚟報答你地啦!!! (即係話又要表演食同表演買俾大家睇啦?!...唉….好貴呀!....Why me?….)

呀,仲有呀,我之前keep住上呢個ellesse攝影比賽網度check自己啲票數時,無意中俾我係網站都禁下禁下發現到原來ellesse呢個牌子 d 衫好得喎！ (都話咗我對眼對於衫褲鞋襪特別眼利架啦!) 唔知邊度有得賣呢??!香港快d有得買就好啦!

係咪幾得先?