最 好 的 年 代 ； 最 壞 的 年 代

轉左版面，好一個新開始，諗來諗去，寫一片咩來賀下新開張好呢!? 想寫d感性野，但近排又冇乜特別感受 ... 想寫下食野，近排又冇乜食到咩好味野 ... 寫乜好呢 ... 寫乜好呢 ... ... ... 呀！ 不如就寫下香港啦！ 我個版面都係用香港特色紅白藍帆布來做設計慨念！因為我寫野係用港式中文！ 好！ 就寫寫香港！ i love Hong Kong！ **香港真係一塊福地來架！

從來都** 冇乜天災亦冇乜人禍，2007回歸十年又重上軌道 ... ... 重上軌道 ... ... ... 重上軌道 ... ... ... 點解係"重上"既 ... ... ... **因為由97年回歸，香港由政治經濟到社會文化到人民心態 ... ... 都走入左一段灰暗期 ... ...

最切身既就係香港電影業的困境 ... ...**

『 這 是 最 好 的 年 代 ； 這 是 最 壞 的 年 代 。』

1997年既香港電影，從數字上來睇顯然睇唔出有乜事。 哩一年既電影產量有189部之多，票房收過千萬既作品亦達到19部。 0係哩d數字紀錄下，香港電影人係自信同埋驕傲既，亦唔會輕易相信咩潛在危機既消 極言論。 1998年香港受亞洲金融風暴既影響，港產片產量急劇下降，由之前既189部下降至85部。 哩個期間，香港電影人突然感受到一d震撼。 1999年既香港電影果然俾左香港電影人一d希望，沉寂一年之後，以年產169部的紀錄 收爐。單純從影片數量同品質上綜合來睇，哩一年是香港電影既豐收年。 但0係業績上來睇，哩年就係香港電影危機既爆發點！總票房(加埋海外片在內)未達五 億，全年票房過千萬既片就只得11部。 2000年港產片產量151部，2001年降至126部，2002年更跌破100大關 ... ... ... 2003年就只得番92部，總票房亦跌至新低點 ... ... ... 0係這個香港電影業日漸悲觀既年代裏面，輿論高呼 “香港電影已死” 既日子裏面。 香港電影人仍然不斷地創造新既傳奇 eg.《孤男寡女》、《少林足球》、《無間道》、 《大只佬》等 ... ... 2004年港產片產量大幅減少至63部片，2005年就只有55部本地電影 ... ... 2006年港產片達到產量同數量既歷史新低！十年沒落終於跌到谷底，僅生產電影52部 **，所有理想主義者都收聲了。

無論0係任何角度去睇，香港電影都已處於一個崩潰既邊** 緣，0係生/死既臨界點徘徊。 2007年香港回歸十週年，同樣係香港電影困局中越陷越深既第十年。 香港電影人只紛紛北上尋求生路既同時，業界又有冇自我反醒一下!?!? 0係當今香港電影業界裡面，有冇一d有遠見又有膽識既投資者或導演，0係起用有票房 保證既巨星擔岡之餘，重會0係創作上更大膽創新 !?!? ... ... 又或者有冇可能起用多一d有實力既新演員!?!? 正如香港歡眾都會好接受有新意既日片韓片泰片，但內裡演員的演出水平都好重要架！ d戲唔得，靚到震型到爆都只係花瓶雕像，冇靈魂冇生命。