一則直擊

在9月23號星期日下午4時許， 一名3歲幾小孩子和他的父親， 在九龍城廣場2/F，行經228/236鋪，那鋪位是一所叫"布藝大師" 的臨時租戶的"沙發"展銷間。 小孩子見到賣"沙發"的鋪頭，十分雀躍，就拖著父親入內參觀， 小孩子見到L形的"沙發"，就拉著他的父親說：你話過想買這種" 沙發"呀嘛，我記得架！我地試下坐呃！ 小孩子的父親未有陪小孩子試坐，只叫小孩子繼續行。 行到入舖頭最入的位置，小孩子見到一張黑色的"沙發"，小孩子 又叫父親一齊試坐， 這次父親就有陪小孩子坐下，小孩子還滿心歡喜的對父親說：這 張"沙發"重可以俾我"訓低"架！ 小孩子父親著小孩子：唔好"訓"啦，繼續行啦！ 小孩子一轉個頭見到黑色"沙發"旁的白色"沙發"，就雀躍地邊坐 上去邊說：我鍾意這張白色！ 就在這電光火石間，小孩子就被一名坐在白色"沙發"前方的染髮 中年女人用雙手揪起他的一雙腳掌，並用非常沒有禮貌的語氣說 ：這張"沙發"賣左架啦！你唔好踩上去啦！ 小孩子的父親就第一時間叫番小孩子起身，中年女人繼續用惡劣 的態度說：睇住個細路呀嘛！俾D細路踩上去跳！寫住唔准坐架 啦！你重踩上去！ 小孩子的父親這時就見到白色"沙發"椅背上，掛著一個A4透明膠 套，套住一張白色紙，紙上用不夠默的藍色筆，粗糙的寫著"非 請勿坐"， 這時小孩子已給人嚇親，問著父親：做乜野呀!? 做乜野呀!? ... 小孩子的父親就邊安撫小孩子邊拖著他離開。 但染髮中年女人就繼續用惡劣的態度講：D"沙發"唔係俾你又訓 又跳架！真係呀！ 這時小孩子的父親經已按奈不住，就對著那個染髮中年女人大聲 講：佢冇跳你d"沙發"！ 佢坐上去嗟！ 都冇整污糟！ 那個染髮中年女人竟然繼續用惡劣的態度說：張"沙發"賣左架啦 ！個細路對腳踩晒上去！整污糟晒！重踩上去跳！ 這時小孩子的父親真係火都來埋，就指著那個染髮中年女人，十 分氣憤咁大聲講：我話你知！ 佢~冇~跳~你~張~沙~發~！ ... 你唔 好越講越離譜！ 你打開門口做生意，D態度咁差！ 那個染髮中年女人繼續態度惡劣咁講：而家你搗亂呀！我唔做你 生意呀！唔歡迎你呀！生左個細路又唔識教，踩上D"沙發"度跳 ！你走呀！ 這時小孩子的父親真係谷到爆炸啦！就同果個染髮中年女人鬧起 交上來， 內文唔詳細記得。 染髮中年女人主要圍繞住"個細佬踩上沙發跳"、"你搗亂"、"call 商場保安"、"你走呀你"... 小孩子父親就圍繞住"佢冇踩亦都冇跳沙發"、"你嚇親同蝦細佬" 、"你越講越離譜"、"報警"... 小孩子父親報警，這時商場保安亦到場協助小孩子父親報警 ... 小孩子拖著父親，雙眼通紅地問：爹爹... 爹爹... 做乜野呀!? 小孩子父親就理直氣壯地對小孩子說：唔洗驚！你冇做過就唔洗 驚！有做錯就認，冇做錯就點都唔洗驚！ 小孩子才定定神對父親說：係囉！我都冇踩沙發，我坐乍嘛，等 警察叔叔來拉壞人。 等警察到場的期間，染髮中年女人繼續指高氣揚地週圍同人講： 報警就驚你呀！我大把證人呀！生個細路又唔識教，踩上D"沙發 "度跳！你走呀！唔歡迎你！... 同時又拉住佢所謂證人的幾個客 人密密傾 ... 約5分鐘，二名警察到場，一名高級警員，一名警員。 警察先向報警的小孩子父親了解情況，小孩子父親表示可以問小 孩子最清楚，但高級警員就說：3歲細路都唔會識講啦！... 就冇 向小孩子問任何一條問題。 大概了解事件後，就向染髮中年女人和 1名為她做證人的客人了 解情況， 染髮中年女人的態度當堂360度改變，融融笑臉的向警察講述 (內 容不詳) ... 但在場所有人聽得最清楚的一句應該是她講的第一句 ：阿sir，我好驚之後有咩事呀！我要先備案呀！ 擾攘左一輪，警察觀察過現場，白色沙發依舊雪白，高級警員就 問小孩子父親：你報警想得到什麼呢？ 小孩子父親表示真的超級氣憤，因為那染髮中年女人態度惡劣無 理取鬧兼越講越大話連篇，根本小孩子就冇亂來，冇踩過上沙發 ，更加冇跳上去！ 小孩子父親更表示如果染髮中年女人對警察講述的內容不是真實 ，就應該會有問題存在的，但警察表示染髮中年女人冇講過什麼 指控，現在亦未落簿，所以冇野出問題 ... 警察表示如果這情況，就只有這樣調解，所以如果小孩子父親冇 其他要求就可以離開 ... 但小孩子父親就希望態度惡劣無理取鬧的 人向小孩子道歉 ... 警察就表示不可以命令任何人做任何事，所以沒有辦法 ... 小孩子父親就只有憤憤不平的離開，臨走時就叫小孩子有禮地和 警察叔叔說再見 ... 小孩子直接覺得警察叔叔幫到自己對付壞人，就歡天喜地向警察 道別 ... 還對著父親說：好犀利呀，爹爹！警察叔叔捉壞人！

... ... ... ... ... ... 氣憤！