miss Y

收到好友Y寄來既明信片，確實精美，多謝！ 身為劇作家既Y小姐，0係加拿大進修戲劇、傳理及藝術行政。趁假期就到英國倫敦遊學數週，為佢既戲劇治療 (DRAMA THERAPIES) 碩士課作先修。 佢周遊列國，著Agnes b，用macbook，的士代步，閒時High個Tea，食個靚"浦飛"，飲飲紅酒 ... 計劃未來有個望海既雅致辦公室。 佢鍾意才華型既男仕，最好係0係某一個界別上有一些地位，樣子唔需要太俊朗，但也不可以太戇直。 佢總要其他人遷就佢，小姐脾氣也不少，但就係咁先有個性嘛！ 前半生已得到如此生活當真羨煞旁人。

說回頭，香港近排吹起一陣"神童"燒，9歲入大學，14歲讀醫學院 ... 傳媒起勢吹捧，籲論承勢多指出香港社會骨子裡的急功近利文化 ... 讀書為考試，入名牌幼稚園，讀出名小學，最好來個跳級，進名牌中學，考個狀元，修"當紅"學位 (當紅者，賺錢也) ... 求學問!? ... ... ... ... 求咩學問，求賺錢最緊要！ 社會拜金主義當道，錢字行頭，報紙A1頭版報股市大利，體育版全部倍律，副刊講年青炒玩具賺到笑 ... ... 我明白金錢唔係萬能，但冇錢就一定頭痕。 但當我地求金錢既同時，又有冇d野係更可貴既呢!? Y小姐未過加拿大之前，本來0係理工修會計，30歲前定能當上會計師 ... 但佢就係因為有個性，擁有一伙追求自我既心，所以佢就決心到海外闖一闖 ... 數年後既今日，佢知道自己選擇正確，追尋夢想既同時，金錢亦自自然然夠用，生命豐盛！

『人冇夢想，同條咸魚有乜分別!?』

當我走在街上 ... 見d阿爸阿媽要孩童仔女上乜速算，學乜記憶，彈琴跳舞演講辯論 ... 人人談論港股，A股，B股，H股，期貨，窩輪，基金，樓市，外幣 ... 我覺得自己好幸福，可以懂得，又有空間追求自己既夢！