靚麵

相信香港人係食"即食麵"最多花款既一群人 ... 由"公仔麵"o係香港風行，到今時今日 "出前一丁"全面攻陷香港 ... 香港"發明"既"即食麵"食法 ... 由"配料" ... 香腸煎蛋午餐肉、醡菜肉絲、五香肉丁、沙爹牛肉 ... 到"煮"既方法 ... 熱煮、乾撈、炒、炆、炸、凍湯、冷麵 ... 早餐、午餐、下午茶餐、快餐、特餐、常餐、晚餐、宵夜 ... "即食麵"成為左最地道既香港食品之頭三位！

晨早起床 ... 行入廚房用個細煲仔煲大半煲水 ... 才斯斯然行入洗手間梳洗 ... 幾分鐘行番入廚房，水剛剛滾起 ... 一手用個大碗裝起半碗滾水 ... 一手張個"出前一丁"麵放落煲 ... 將味粉落入碗中，用筷子攪一攪，香味醒一醒神 ... 順手用筷子輕輕攪一攪煲中既麵，剛好熟透既麵餅隨即散開 ... 再將麵條在滾水中"兜"幾"兜"，快手將麵過一過"冷河" ... 加麻油配料 ... ... ... 一碗彈牙靚麵完成！ 好好味呀！！！