... ... ... 寒冬中訪尋隱世進補小店！

由10月一直不停忙 ... 不停忙 ... 不停忙 ... ...

10月中開始就不停咳 ... 不停咳 ... 不停咳 ... ...

睇左醫生 ... 食左藥 ... 休息一0下 ... ... 都重係未好番晒！

隔幾日又咳過 ... ... 咳到肺都差D飛出來！

再睇醫生 ... 再食藥 ... 再休養一0下 ... ... 都重係咳！

前幾天開始冷鋒到 ... ... 一唔小心 感染風寒 ... ... 就更加病上加病！

咳到胸口都痛埋 ... 頭又痛 ... 周身乏力 ... 但工作都重係不停湧埋來 ... 重要番國內賣橋！！

朋友見我病成咁 ... 開完會賣完橋 ... 晚飯時候 ... ... 

就特地帶我飛的到 福田區 一間小店 ... ... 話有好野益我 ... 叫我一定要試！

心想 ... 都被你夾左來啦！ 試下無防 ... ... 就由佢發版 ... 點左幾樣小菜 ... ...

朋友開始介紹有乜咁益我： 你由10月到現在 ... 咳都未洗晒！ 好番D又病過 ... 好番D又病過 ... 當然 ... 你太忙冇足夠休息係其中原因 ... ... 但係其實主因係你個人『虛』！

佢個『虛』字一出！ 我當堂就真係『噓』過佢！ 男人被人話『虛』好 "驟技" 加嘛！

朋友：你唔好『噓』番我住 ...你聽埋我講先！ 人身體唔好抵抗力弱 ... 身體機能下降 ... 就嗟係『虛』！ 你都聽過『氣虛血弱』啦 ... 咁『虛寒症』又有冇冇聽過呀？  ... ... 簡單來講就係身體『噓』需要進補調理一0下囉！

OK！OK！ 咁點補呢？

我睇哩間小店 ... 應該唔係特別出名 ... 閒日晚市 ... 都唔爆滿 ... ... 有乜可以補我喔？

小菜一一上場 ... 都係川菜 ... ...  川椒皮蛋 特別好味！  毛血旺 有水準！  口水雞 滋味！  夫妻肺片 就比較一般！份量都比較大 和朋友兩個男人 應該都夠了！  朋友突然大叫：主角來啦！見侍應在檯面正中一移 ... 就出現左個爐頭 ... ... 跟住眼前就出現左一個大黑鍋 ... ... 被我個頭重大！###我心想 ... 食唔食得晒喔？ ... ... 好老實 ... 以我咁大食量 ... 真係冇幾何會有咁既想法 ... ...

大黑鍋中 ... 有一大隻鴨 ... 大堆藥材 ... ... 香味向我飄過來！

朋友好得戚咁介紹： 福田 隱世進補 名菜 御香庭老鴨湯鍋！ 包你食過後今晚訓覺好既 ... 明天乜都好晒！

咁神奇!?!?

御 香 庭 老 鴨 湯 鍋

但眼見果一大煲 "老鴨湯鍋" 真係太香 ... 太吸引 ... ... 一滾起我就即時要左一大碗試試！

果然好正！好好味！  湯鮮而唔會肥腻！ 藥材味濃香而又唔重！  

湯飲落肚 ... 就自自然然好似有股熱力0係胃向身體四散 ... 成個身都暖番晒 ... 人都精神番D！

和朋友兩人 ... 你一碗我一碗 ... ... 你一塊鴨胸肉 ... 我一大啖鴨腿 ... 鴨肉鬆化 ... ... 唔洗半句鐘就清晒成個老鴨湯鍋！

邊贊朋友冇介紹錯 ... ... 邊就發現自己都真係精神番好多喔！ 唔係真係咁神奇喔！

見檯檯都點老鴨湯鍋 ... 旁邊果檯又係兩個人 ... 點左一個老鴨湯鍋 ... 重有好多碟火鍋生料 ... ... 咁得意!?

朋友話原來 老鴨湯鍋 係可以做火鍋湯底 ... ... 配上不同生料 ... 羊肉 ... 豬潤 ... 蠔 ... ... 會唔會補過龍架!?!?

下次真係要去試多幾次先得！  ... ... ... 因為我第二日就真係冇晒咳 ... 好番晒！

御香庭老鴨湯鍋 - 福田區 東園路 巴登街12號.