2010 世盃特集 ... day 8 ...

~ 2010 世盃特集 ... day 8 ... ~

D組

德國 VS 塞爾維亞   18/6  19:30

預測： 德國 2 : 1 塞爾維亞

德國 上仗 4 : 0 大勝 澳洲, 表現對板, 今仗對踢法相似但人腳始終較差既 塞爾維亞, 應該可以隱勝, 安然奪得出線權。不過兩隊踢法真係大相似, 所以應該只會安安全全咁小勝一球, 唔會搏得太激烈, 以防球員有任何受傷。

C組

斯洛文尼亞 VS 美國   18/6  22:00

預測： 斯洛文尼亞 2 : 1 美國

斯洛文尼亞 首戰 1 : 0 擊敗 阿爾及利亞, 今仗必然全力搏盡, 希望從實力均等既 美國 身上取勝, 得到出線度位。

而 美國 上仗憑極級好運, 因 英格蘭 門將 GREEN 既出錯而得到1分, 今將如果能夠全取3分的話, 亦能好有希望奪得出線席位, 所以 美國 今仗亦都會搏盡搶攻。

兩隊互搏之下, 我比較睇高 斯洛文尼亞, 當然戰術運用, 臨場發揮 及 運氣, 先係今仗勝負關鍵。

C組

英格蘭 VS 阿爾及利亞  19/6  02:30

預測： 英格蘭 0 : 0 阿爾及利亞

英格蘭 今仗可謂不勝無歸, 就算和都死得人！

絕大部份球評都估計全力搶攻下, 英格蘭可以勝出, 全取3分。

但當全世界人都開賽前分析都話 英格蘭 西班牙 點正點勁 既時候, 有眼你睇, 我都講左, 名過其實, 兩隊波都真係 ... ... 哈哈哈 ... 得啖笑！

所以如果你全力搶攻, 咁 阿爾及利亞 咪 9-0-1 死守喔！ 分分鐘死守和你 英格蘭, 番去對鄉親父老都叫有個交代。