2010 世盃特集 ... day 3 ...

2010 世盃特集 ... day 3 ...

C組

阿爾及利亞 VS 斯洛文尼亞  13/6  19:30

預測： 阿爾及利亞 0 : 1 斯洛文尼亞

位於 北非 背靠地中海 既 阿拉伯國家聯盟成員國 阿爾及利亞，踢法技術型，大部份球員均落班於歐洲球會，但都只屬二三線球員。前鋒線只有老將 Rafik SAIFI 沙爾菲 較出眾，其他都冇乜好提。

位於 中歐南部 前南斯拉夫加盟共和國之一 既 斯洛文尼亞，秉承統統歐陸式踢法，穩健實際但單調。以 效力 德甲 科隆 既 1米92長人 中鋒路華高域 主攻，哩位技術型中鋒 頭頂腳踢一樣出色，配搭上 隊長 Robert KOREN 高倫 既傳送，有力取得入球！ 後防則由 效力 意甲 烏甸尼斯 表現對板既門將 Samir HANDANOVIC 漢丹洛域 守護。 哩仗對住 阿爾及利亞 必須要主動攻擊搶分，務求爭取小組次名出線。

****

D組

塞爾維亞 VS 加納  13/6  22:00

預測： 塞爾維亞 2 : 2 加納

前南斯拉夫 繼承國 塞爾維亞，具侵略性 既 東歐式踢法，由效力 意甲 國際米蘭 既 全能中場 Dejan STANKOVIC 史坦高域  擔任隊長 策動攻勢，為全隊的靈魂！

配搭在 俄甲 莫斯科中央陸軍 大發光芒 既 Milos KRASIC 卡錫 及 o係國家隊表現出色既 Nikola Zigic 施積，攻力絕對不容忽視！

後防當然係由 效力 英超 曼聯，被譽為當今最佳中堅之一 Nemanja VIDIC 維迪 帶領，防守穩固。

加納 應該係現時實力最強既非洲球隊，由 英超 車路士 Essien 艾辛 帶領既中場線，體力爆棚，加上 效力 AC米蘭 既 前線新星 Dominic ADIYIAH 艾迪耶亞，球隊攻守兼備，屬今屆黑馬之一。

所以哩場波，o係兩隊互相搏鎚之下，應該會有一番激戰！

****

D組

德國 VS 澳洲  14/6  02:30

預測： 德國 2 : 0 澳洲

機動性強，紀律性高，戰術性打法，一直係 德國隊 俾我既印象，但就硬係爭咁D激情！ 每屆都幾齊腳，攻力中場防守均屬一級，但就唔係我杯茶喔！

澳洲 "大堡礁 樹熊 Ayers Rock"，卡希爾 基維爾 艾馬頓，一句講晒，冇乜驚喜。 除非幸運之神好幫手，如果唔係就應該小組出局。