2010 世盃特集 ... day 10 ...

~ 2010 世盃特集 ... day 10 ...F組

斯洛伐克 VS 巴拉圭   20/06  19:30

預測： 斯洛伐克 0 : 1 巴拉圭

巴拉圭 上仗 1:1 賽和 06冠軍 意大利, 為全隊打左支強心針。 今仗對首回被 新西蘭 補時 逼和 1:1 既 斯洛伐克, 理應能少勝, 還看 斯洛伐克 戰術運用是否得宜, 因為其實上仗 斯洛伐克 其實踢得幾對板。

但點睇, 都係睇高 巴拉圭 勝 1:0。 因為論世盃經驗, 人腳, 組織, 我都較睇高 巴拉圭 一線。

F組

意大利 VS 新西蘭   20/06  22:00

預測： 意大利 0 : 0 新西蘭

作為世界盃初哥, 新西蘭 上仗補時階段一頭迫和 斯洛伐克, 得到寶貴1分, 今仗對住 06冠軍 意大利, 都係果句啦, 打和就經已有顏面對得住江東父老, 所以一定奮戰到低, 務求得多1分, 如果3戰可以得3分, 新西蘭 經已算叻到無倫架啦！

意大利 法國 英格蘭 西班牙 葡萄牙... 都係唔知做乜！ 意大利 應該一向較穩定, 但上仗發揮都係亂咁來, 冇組織可言, 希望今仗可以踢好D。

但係我會繼續預測 1:1 和！ 英格蘭 對 阿爾及利亞 0:0 我都預測中！ 今仗其實一樣情況, 所以 0:0 都合理架！

G組

巴西 VS 科特迪瓦   21/06  02:30

預測： 巴西 2 : 1 科特迪瓦

好驚！

有D球評話 巴西 會輸比 科特迪瓦, 因為 杜奧巴 復出,  巴西後防抵擋唔住佢 ... ... 但其實 科特迪瓦 上仗對 葡萄牙, 有幾多組織? 有踢得幾好? 

有幾多斤兩? 就算 杜奧巴 復出, 會有幾多支援 大家心中有數。

「神級」巴西 上仗 "神魔大戰" 少勝 踢得君子又踢得出色既 魔鬼隊 北韓 2:1。 有上仗對 北韓 既親身體驗, 要贏 四支發達既 "大象" 科特迪瓦 可以話係輕而易舉。

不過, 預測 巴西 只會少勝1球, 唔會咁快出盡晒功夫。