Venus唱歌唔好聽=]

呢篇note唔係想寫咩唔開心或者衰野, 而係有d野我想講左好耐, 但係一直都未有時機去講, 今日我覺得好適合

好多時候都會有人話, Venus唱歌唔好聽, 唔知點解要去唱歌, 仲有人會用notes去評論我

當然有人會用挑釁性的說話問我咁大個人做咩仲唔醒要去發明星夢

仲會收到一d人的邪惡說話去讚賞我是肥豬, 又係又矮又醜, 又應該去整容, 唔好以為自己好靚

首先, 我要多謝你地仍然願意去關注我, 有人理好過無人理.

不過真正有了解Venus同睇Venus表演的人都應該知道, 我每次show應該都會形容幾次自己隻手臂有幾粗, 自己有幾"高", 而且我從來都唔會覺得自己係靚 (見我唔會識著d好d既衫同化個濃妝就知), 更加係自拍同擺pose既低手.

其實一個人的樣貌係點, 同佢想追求夢想係真係有關係咩?

現今樂壇/娛樂圈, 有好多好靚既人, 都有d真係幾唔靚既人(笑*), 有d又靚又勁既人唔得, 有d無樣又唔知唱咩既人仲有得唱, 唱得又靚既人, 一樣唔知佢可以玩幾多年... 我想講既係, 外在的機遇根本唔重要.

我會承認我又肥又矮又唔靚, 而且從來無人同我講我唱歌係"勁"或者係"好聽". 我唔積極去玩歌唱比賽, 玩下就有, 拎過dd獎, 又唔係咩大獎. 但係我就係我, 我就係願意表現自己, 同身邊既人溝通.

我中意在台上做自己, 亂來, 同大家搞下爛gag笑下, 首首歌唔同咁唱, 次次玩唔同歌, 就算一樣歌都要轉感覺, 仲要間唔中唔理skills玩其他野, 無錯, 呢個就係我.

娛樂圈既比賽, 我會去出席, 但係只係去睇下同見下朋友

因為呢個圈既規則都幾簡單, 你一係最後生一係最老一係最靚一係最醜, 如果以上一樣你都無既話你仲可以有後台. 我想講既係我唔會鄙視呢個制度, 因為人地唔係咁邊有話題呀, 你又邊會去睇去八卦, 雜誌邊有野寫呀?

對我來講, 唱歌的方向其實好清晰, 我從來都無諗過要做明星, 更加唔可能著三點式賣肉, 我只係希望一直都有得唱, 可以同更多人分享.

同好多人想做老師一樣, 我希望用我的方式, 帶俾大家一d希望, 為大家充充電, 鼓勵一下. 就憑我唔係最後生唔係最老唔係最靚唔係最醜唱歌唔係最好聽, 但係都肯堅持繼續唱, 就可以知道人生係幾有希望啦=]

我會一路繼續搞音樂會, 希望有突破, 另一方面, 會做自己的唱片, 要多d自己既創作, 已經唔寄望有唱片公司會行埋泥, 況且自主性又高d, 畢竟我無乜賣點, 你叫我唱k歌又唔掂, 唱難野都唔掂架喇, 然後下一步就係... 見步行步囉, 哈哈, 但係終極目標, 梗係去紅館開show啦, 仲要係有人俾錢睇0個d喎!

我最近成日都覺得對自己既show好唔滿意, 在台上好似好有信心, 但係落泥, 咪一樣覺得自己太多可以進步既地方, 有時會沮喪. 但係, 當我地見到張如城哥, 幸運兒小姐等人, 都仍然可以繼續玩既話, 又唔洗太灰心既

當覺得自己唱歌唔錯既時候, 不如諗下最近我地既容祖兒, 點解唱到今日, 十年多, 仲可以進步緊? 點可以追得上? 彭羚、王菲、憶蓮? 點追呀?!

當覺得自己唔掂既時候, 亦都可以諗下... (唔講喇, 數唔哂) 都仲存在, 唔洗咁灰心

其實唱歌, 我唔覺得係要完美, 因為呢d係機器, 我地要聽既, 就好似睇drama既時候那種, 人同人之間的互動同energy, 大家影響住大家. 所以我唱歌唔完美, 但係我中意同你地交流.

我實在要好多謝一直都未放棄我既你地, 實在要好多謝愈來愈多我明明估佢會歧視我但係結果來左我既show或者會來我的show去支持我的朋友.

我唱得唔夠好, 但係如果我放棄, 就唔可以進步啦

所以, "給我一點時間長大, 好好愛惜我", 好嗎? ^3^