新同事，新攪作

昨天早上我從公司窗外見到好多煙係樓下升上黎，即時睇下煙從何來，原來從樓下新同事的office傳出黎。立即跑落去睇下咩事發生啦。嘩!原來火燭!原來新同事係檢查儀器時點著左窗簾。我一見到就攞左水機支水去救火啦。Kaka都叫做人生的第一次救火，好快就救熄左，只係令到成個室都係煙。新同事就嚇到死左

九月

九月代表假期結束；

九月代表新學期的開始；

九月代表悶人會議開完又開；

九月代表一切夜生活要終止，要早起上班；

九月...好似無咩好野，不過好彩的我仲有粮出。

陰盛陽衰

終於又開學，又要見一班妖人，感覺不是太好，好似好是非禁。今年走左個肥同事，黎左個女同事，3個同事都係女仕，合作的上司都係女仕。係公司上又被人擺左個陰盛陽衰陣。

睇怕好難先會擺脫呢個形勢，只有一放工就離開公司去吸下陽氣。

病魔

今個月第四次幫襯醫生，除非有靚女睇，本應都無禁大的推動力去搵果個老醫生，只係成日覺得吾舒服影響左我日常生活，已經令我接受吾到。希望睇埋今次就會完全好番啦~

我覺得香港由6月起已經受流感侵襲，係街上，車上，公眾地方上都聽到有人咳，打噴嚏。我好番小小，轉頭又黎過，反而係高雄果幾日就無事。

我想我都係帶番個口罩出街會好d。

久病成醫

呢個月已經睇左三次醫生，睇過幾個醫生，食左好多藥，睇下d藥個樣都知係咩藥。我想下次有同樣的病我自己都識去執呢d藥啦。

事先張揚的九號波

星期三放工已經收到友人msn話星期五打得成風，星期四放工心情已預備明天吾洗番工。今天結果當然在家中執了一天相，清了呢2星期的債。

如果每個月都有一、兩天突然假期真好。

心大心細

昨日我終於帶我心愛的白色NOTEBOOK去睇醫生。佢已受傷幾年，一次係飲左一杯茶，另一次就飲左1/3碗湯。都係由我的急救方法救番佢。

不過今次覺得都係帶佢睇下醫生去修保番佢D表面傷痕，醫生驗查佢後話佢內傷太重，無得救。

現在我在想買部MINI NOTEBOOK好定買MACBOOK好呢??自找煩惱。

當媽媽的喜悅

友人就快當媽媽，充當影相佬的我覺得有點頭痛，因為我未當過媽媽，又未幻想過當媽媽，而又不喜歡小孩的我點去完成呢題目呢?

友人屬於保守派，也不敢去得盡，所以決定於戶外完成相片。

小朋友出世我覺得似太陽上昇，給人希望，愉快。媽媽等待小朋友出世就如等待看日出的心情，如同上天送給的禮物。

所以在陽光下完成呢輯相。

睇書

有時間真係要睇多D書，淨係用左D時間打PSP。一排吾睇書覺得自己有點空虛。

我想我放完假後會用番多點時間睇書。

知足常樂

"知足常樂"好似係一件好易明的道理，但卻是最易被遺忘。

最近我又因為換mp3機的問題很煩惱。又買耳筒又想買機，都都係知足點好。