小用腦

今個星期我無用到腦，只係靠MUA KEY 的發揮。

這天氣令我快樂

早上一陣秋風，藍天白雲，我覺得很快樂。這天氣我可以去打波，外影，行街，仲可以........總之這天氣令我快樂。

08' third season collection by 雲影timmy

<...Read more

九月最後一次影相

九月最後一次影相，我地用左2個HELPER，又勞動到我太座，真係累人。5小時辛勞後，人人都叫著肚餓同攰的回家，真係多謝晒各位。

我在等八號波

悶熱左成星期，等左禁耐都係為左下一場雨，可以涼快點。昨晚知道今天打風，我整日都壞著等放工的心情。等到中午都未有改掛八號風球，可能我過多幻想。幾十歲都禁多幻想!!不如留番D時間瞓下好過啦，笨橙!!

股票...與我何干?

上星期恆指大上大落，同事們都好像被數字上落牽動著情緒，時喜時悲，口中都係發股哀。同事講連月入十萬人仕都被牽動。不過我無，雖然我都有點貨，但我無去理會這些數字。

改變工作時間

昨晚食左藥就即瞓，一點醒一次，三點又醒，四點半又再醒，都係起身執相。零晨清靜，工作好像特別快。改變時間工作，感覺好似好新鮮，我好需要新衝擊。

對PAT PAT最抗拒

昨日"玩"影相，要影的係之前想影呢個題材好耐，但係次次都未能成功。今次先可如願以償，睇到相時真係好攪鬼，不過第一之近距離面到別人的PAT PAT，感覺好抗拒，原因係好驚影影下有人會放出廢氣，正面受襲，一邊影一邊驚。

悶熱加悶熱

香港的九月真係好熱，熱到吾想户外活動。我家都係好熱，又西斜，下午簡直叫悶熱難受。今次係好即興又好悶的拍攝。只有悶熱加悶熱。

月入十萬的人

前兩日有機會同一個月入十萬的人對話，真係眼界大開。我先知道我搵吾到10萬蚊一個月的原因。原來要做搵十萬蚊一個月的人先要做到”不要瞼”。

“樹不要皮必死無疑，人不要臉天下無敵。”仲有要埋沒良心，有镬最緊人搵替死鬼。見識過佢之後，我先發覺自己的人格非常高尚。