收

收

出版紋上癮後，空虛感不時來襲。經過半年的寢食不安，每秒每刻都將出版事兒放在第一，理所當然會感覺空虛吧，慶幸並沒有患上“產後益屈”(笑)！

前陣子在一夜塲內向友人國祥討教演員如何演好一個角色(係呀，一路蒲一路講音樂，電影，睇緊咩書咁㗎我地鍾意！咁當然都會講女 啦，男人嚟嘛！)。席間國祥說無論演任何角色，好演員都懂得收- 收藏起少許以令觀眾產生想了解角色多一點的慾望，像秘密一樣，最好附帶點點“憂屈”像朝偉。他說做人也一樣呀，要識收！

何謂收？點收？收去邊？收到幾時先放？放幾多？放喺邊？放晒會點？嘩…二十世紀問題少年。

好演員要識收，做人都要識收但並不代表收埋自己喺房並將自己對摺自閉做“電車(譽)宅族”(試問邊個會想將自己對摺吖老老實 實！)。我相信這個收的意義蘊含著一些值得大家思考的。我們在地上行走，不懂收就等於你所思所想的都會在言語上，行為上甚至面部表情上不自覺地釋放並表露 於人前，即喜形於色。如對像是你的好朋友，好兄弟當然無甚大不了。因為他們都了解你是一個大情大性並且勇於表達自己的人。但當面對一些工作伙伴，酒肉狗友 等便要相當小心認真考慮這課題。道理好簡單，佢知你諗乜而你唔知佢諗乜，尤其有利益衝突的話，邊個蝕底邊個著數，你明啦！玩還玩要玩得醒目啲先…你話係 咪，哈！其實我亦正在學習如何收，因為我太容易向人表露自己所思所想，不僅是好友，有時甚至相識短短數日或食過兩餐飯，我已經會不自覺地向人表白一齊…你 話我幾笨(笑)！當有朝一日學懂如何收放自如，你定必會知道的因為到那個時候，你肯定已經成功在某個範疇上佔有一個重要的位置了。

上帝保佑！