7月18日 書展：鄭麗莎佗七個半月BB講故事 【on.cc 東網專訊】 有「蜘蛛女」稱號的運動員鄭麗莎（Lisa）佗着七個半月身孕現身書展兒童天地，為小朋友講故事，展現母愛。 Lisa表示在下月舉行的運動博覽將推出自傳：「呢本書我計劃咗兩年，有咗BB呢幾月就可以專心加快寫稿速度。」對於首次懷孕，她笑言沒有一點不適及辛苦感覺：「我一啲都唔辛苦，仲食得、行得、瞓得，可能係我做開運動嘅關係，不過依家就冇再舉重、攀石，反而每星期散3、4晚步同做瑜伽。」