以免有其他受害者⚠️想同大家分享下 上星期我唔見左部iPhone ,然後我每日都會睇下'尋找我的iPhone' 當時嗰部電話嘅狀態係'離線' （因為如果部機係無信號狀態例如熄左機就會離線） 直至前日有個咁嘅msg(馬賽克嘅位置係我Apple id) 當時已經過左Apple技術支援嘅辦公時間，所以不能向Apple求證，為免比人入侵就即刻噤入左條link輸入左Apple id 同 Pw ... 之後我再入番'尋找我的iPhone' 就再睇唔番部電話（因為呢個app係跟ID,部機個 Apple ID已經比人改左就唔會再顯示）

第日我打去Apple 問，職員同我講佢地唔會send任何link叫人登入什麼ID，但人地可以透過呢d網站攞到你嘅密碼就破解到部機❗️

之後我去報警，警察同我講呢個msg同我唔見電話無直接關係，只能當遺失案處理（意思就係如果有好心人交番部電話比警方就會通知我） 咁實質嚟講姐係咩都做唔到，所以想比大家知道，如果唔見iphone千其唔好亂登入 iCloud 之類，如果當時我無輸入到密碼，騙徒可能就唔會破解到部電話 可能大家一眼就睇得出呢個sms有問題，但我當時真係做唔到咁冷靜，加上一開始我比個警察睇呢個sms佢都唔覺有可疑。希望大家知道有咁嘅手法，唔想再有任何受害者！

iPhone #apple #icloud #hk #phone #hkgirl