六年級同學的信

以往教書,特別是在小學,在最後一課,我都喜歡叫小朋友寫一封信給我.有甚麼想跟我說又不敢跟我說,在這課學到甚麼,最難忘的事....統統都可以寫下.

最重要的是,不計分.

而且我們後會無期.

今天找到了其中一疊舊信,來自一間小學的英語話劇組.

二零零三年六月收到的.

看了幾篇,節錄如下:　(刪剪部分內容,所有錯別字乃根據原著.)(部分紫色的是我覺得有趣的地方...)

「...我覺得你個人都唔錯... 唔!....有時有空的話可以 寫信比我呀!我的地址是xxxxxxx仲有呀!記得回信呀THANK YOU!...雖然你D英文好 留利,但我都教你一個英文啦!　　你好=Hello=蝦佬　　好啦唔傾啦! buy buy!　好乖的學生　蕭蕭」

「現在聲音我都覺得有點兒進步!動作和面部表情都還可進步!」

「呢一年入面真係學左好多野架我,我終於都變到一個好大膽既人啦......D人話我地套劇係同下午班鬥架~你覺得邊個好D呀...」

「姐姐,你教完我們之後,下午會不會再教基樂的話劇呢?為什麼叮噹不合作也不把她調到其他組別?你在這班裡,你最不想教誰呢?......最後, 如果你想找我的話,你可以send Email給我,地址是xxxxxxx 　學生　鎮鴻上」

「...我以為你很兇,誰不知原來你是好好人.....我很想你在我們校慶表演時觀看我們,因為一直以來你都看著我們綵排,如果突然你不在此,我會失去了安全感,渾身不適!......我想話你知我家的電話,不過你要在暑假時才可以打電話給我電話是xxxxxxx ,如果你在暑假前打給我是找不到我的,所以你要找適合時才好打!」

「我十分快樂,因為我參加了英語劇場,而老師是一個可以在電視中看見她演劇的老師.」

「你需要改善的地方是,理會別人的感覺.一年過去了,在這一年內,我覺得很辛苦,最主要原因是功課壓力!!!!!如果可以的話,早半年排演,不在明天要上學的時候綵排.」

「希望你能留下你的手提電話和生日日期,打我家的電話告訴我.」

「我對你第一個影像便是非常靚女,並且覺得你的演技非常好,不知你對我的印象又是如何呢?......祝你越來越靚女!!」

「我join左英劇足足成年....我識到一班friends....能夠入到英劇club,我認真好happy.先前我以為入到英劇是因為我English叻.......不過我依然對演劇好有興趣,唔知點解呢?可能就是F4o個句「喜歡就是喜歡,沒有甚麼理由」掛,所以我而家想to be a like you的drama teacher呢!嘻嘻!......講真o個句,我真係覺得你好厲害.人又叻樣又靚,有時你演被我地睇o個時真係好鬼投入,完全變o左唔係自己,好似你有次扮Lion o個個角色,真係好大膽投入,大膽到完全唔見o左自我,變o左隻Lion,所以我真係好鬼服你,被我真係無做到那麼投入,無晒自我!你好厲害呀~~~.....好多謝你的耐心教導,我會掛著和remember You!.....呢個係我個email,得閒send D野俾我呀!......我地是唔是friend呀? I hope we're friends because I think you're my good friend.」

看過後,很多回心微笑.　(實在精句處處...放棄了highlight...)

這班當年小六的同學,今年是否已經完成會考?

還會記得當年學過的東西嗎?還記得當年你在台上做過甚麼嗎?

如果以上有一個是你,於零三年在基樂小學小六畢業,那年參加了英語話劇,你又記得,告訴我.