無無聊聊

又嚟啦又嚟啦,

今個星期六輪到馬交starlight

今次我有好多香港朋友會特別過來支持我，

令我興奮又緊張，　

幾個禮拜前已經開始做運動啦，

冒求做到身心都唔會鬆懈，　

不過，　

台前幕後上上下下大大話話都有豐富的經驗同默契，

只要做足準備工夫，

我相信問題都不大嘅，　

唔好嚇自己唔好嚇自己。

今日喺九龍灣band rehearsal 之後，　

順便鼠左上去睇我近排熱播嘅jason mraz，　

歌又好聽人又靚仔又有型

佢嘅make it mine 仲係我嘅ringtone嚟，

每次電話一響，　

就算心情好煩躁即使都會好似飲左杯涼茶咁，

好一種如沐春風心花怒花嘅感覺，

但係今晚只係睇到一半就要去排舞，

當其時我喺度點解我唔係一個行創作路線嘅女歌手呢？

如果我係albert au歐瑞強，如果我是張崇基張崇德　

我咪可以睇埋jason mraz嘅下半場先走囉，

不過，　

當我去到排舞室，　

聽到我親愛嘅power medley同埋逃，

我又打消了那個念頭，　

試問 攞住結他的我又怎能上身似的發癲一樣跳到身水身汗？

不過講講下我又想試試，　

有朝一日我可以玩住樂器玩人肉輸送帶。

大家信唔信呀？