唔搞show都唔知搞個show會咁多嘢做，向所有監製團隊致廿萬分敬意，今日一早撲去呢度吸印，個度攞approve, 發生咗笑話一則

當去到票務辦事處，有幾位姐姐望住我張海報 姐姐1：哎呀，王耀祖吖 姐姐2：(望住我) 哎呀，佢嚟架 我：係吖，我嚟架 姐姐2：要自己攞嚟吖 我：細團吖，咩都要自己㗎 姐姐1：好叻吖，自導自演吖 我：咁要支持下啦 姐姐1：一定啦，張海報好靚吖，好靚仔吖，又年輕有為 我：(一聽到靚仔，仲要年輕，立即飄飄然) 姐姐你再讚我，我要請你地睇啦 姐姐3：(突然出現，嚴肅地) 唔得架，我地唔可以架 我：(收皮mode) sorry sorry, 講下架炸 姐姐2：真人靚仔過張相 我：(歡樂mode again) 真係識講嘢啦，姐姐 姐姐：真架，有d人唔上鏡嘛，你咪係囉 我：(心情直插谷底，無言)

臨走，姐姐3替我開門，因為我攞住七十二袋嘢，她同我講：加油吖，祝你賣個滿堂紅

我：多謝，多謝你

跟著就充滿正能量，好開心咁再撲去下一站。

素未謀面的人的幾句鼓勵說話，已令我很很很窩心，多謝，今日要pack好個一萬張leaflet吖，充滿能量吖

真人靚過上鏡定上鏡靚過真人好呢

都係做被消失的人好