A 3-day Miracle 三日排好一套musical 真係唔知邊到講起好

12月底發現一個show既leader突然話甩底唔出現，令我睇清楚呢個人，亦發現原來我有好多真心，捱義氣既朋友

就係咁樣，個重任突然降臨係我身上，節目負責人好緊張，係咁施壓力係我身上，好多高層知道呢個消息之後都紛紛打黎施加壓力

佢地有比我揀：一係cancel，一係繼續做

得返4日，但我選擇繼續做，因為我應承左既野就一定會做，加上如果cancel，以後就再無人會信我地

但係目前既program根本唔ready，原本個cast都已經無心機再做，個leader都可以甩底，點解佢地唔可以？陸續佢地都放棄，話佢地唔出現喇。我條team而家無曬人，點算？

1月1號，我決定放棄原本program，重新再排過。個日我係咁搵d有歌舞底既frd，求下佢地4日後肯出show，聽日開始要去rehearsal。我本來諗住無乜人會應承，點知個個知道我既情況之後，就算本來有野做都幫我推曬。

Kaycee Chung考緊試；Kelvin Au返黎陪屋企人，但係為左幫我排比媽媽嬲左，Tracy Wan, Ruth YL 拍曬心口話無問題，Michael Wong 本來有有工作在身都黎幫手，dayoff俾曬我，Patrick Yip即刻臨時幫拉大隊，叫埋 goo 同日中幫手，goo 同日中都唔識我，但都肯黎幫我，Dennis Chan住屯門，練到好攰都無怨言，仲好努力，本來叫SHaron Ho表演沙畫，佢無信心，但都肯為左我學，最後做埋backstage hero，就算Chan Ying Crystal無份表演，都黎齊rehearsal，一齊加油

個一刻，我真係好感動，發現原來我有咁多真心朋友

1月2號，排練第一日，kaycee kelvin tracy加入，排左第一支舞，練曬所有歌

1月3號，ruth加入，幫我排左第二支舞，漏夜cut歌

1月4日，michael，goo，日中加入，夾到cajon 同結他，整好ppt，我自己寫好曬cue sheet，買props，漏夜cut歌

1月5號 自己跑三個job，幾日無訓過，一直精神緊張，臨show前肚痛，暈下暈下，台都無踩過就上台

最後，3日，排左一個15分鐘長既musical

睇完既人全部都讚口不絕，話淨係排左3日既時候，佢地真係o曬嘴

最後表演既人有13個，係13個，仲多過本來個group既人數

呢幾日我情感起伏好大，好大壓力好燥，識左我十年既tracy 都話從來無見過我咁，連我自己都無

好多謝你地，我每一次run都勁想喊，好真係好開心好開心有你地，所以我係咁叫你d唔好攬我，費事on show 前又喊

我係呢個group裡面2年喇，今次係我第一次有歸屬感，覺得我地好團結，真係一個team，玩得好開心，大家又好認真，好盡力，返工返學後就沖過黎排戲，每晚排到十一二點都無埋怨，第二日就繼續返工返學，推左好多節目，俾曬d私人時間我

之前真係好嬲，好唔開心，但係而家比我再揀多次，我都會寧願比人甩底，如果唔係點會出到個咁好既show，同呢班大家本來素未謀面既朋友玩得咁開心

最後，當然唔少得Chain Lai，呢排除左我之外，最辛苦就係佢，呢排我壓力大，脾氣好差，都發洩係佢身上，佢不但無嬲我，仲好支持我，幫我分擔左好多野，真係好多謝你

患難見真情，我發現無論係幾辛苦既情況，只要有一班真心既朋友係你身邊撐你，點都可以捱過

所以，你一個「我真係好對唔住」既speech就可以襧補我地呢幾日既辛酸同壓力？你真係好好笑。不過都多謝你，無你無我地，FGYLN！