【夜媽媽想當年】

我最喜愛MV，沒有之一。

而家睇返，都仲係超鍾意，每一幕都咁鍾意，亦超想喊，尤其最後發現個名藏喺件衫入面嗰幕....雖然我個人金魚記憶，但唔知點解好記得拍嗰日嘅情境，一踏入個工場，就好似進入咗另一個時空；好似自己真係化身故事中嗰對青梅竹馬，真係由細喺度大，真係....（下刪一千字）

隔咁多年都依然好多謝兩位拔刀相助嘅男主角Edison同阿Dean（藤岡靛），非常專業嘅演出。當年阿Dean先剛剛起步，好鍾意睇一開頭佢兩個嘅對話同互動，超可愛。我諗如果換咗另外兩個演員，成個MV個chemistry會完全唔同曬，好在啫。

故事由這裏開始，我話我同麥欣。特別多謝佢喺呢日打開咗我個心，多謝佢釋放咗我嘅感性（又性感）出嚟，其實呢一日好緊要，我知。

《梁祝》確係一個magical journey。