【演唱會海報－特技化妝篇】

好多人好好奇演唱會海報上面嘅黑色油到底係咩嚟，更加有人以為係後期加工上去嘅效果，等我為大家揭開謎底。

嗱，其實呢個黑色液體效果嘅製作，出自專業特技化妝師陳嘉偉Gary Chan同埋佢團隊嘅手筆。由我地開始有呢個構思，聯絡上佢地之後，佢地就花咗接近一個禮拜，鑽研到底用乜嘢物料先會做到慢慢流落嚟嘅效果，另外又要拍出嚟滑溜、無雜質、不傷皮膚，仲要可以倒完又洗得甩再嚟幾次，真係少啲功力都做唔到。

咁到底係乜顏料？喂solly，呢個係商業秘密，當然唔會話俾大家知，但只想特別喺度鳴謝多一次靚仔Gary，幫我地完成呢次海報拍攝，完全做到超水準嘅效果，大感謝！

辛苦曬！Gary FX Makeup 特技小霸王 團隊。

p.s. 另外特別澄清返：見到有報導話我皮膚敏感，其實只係誤會，當日絕對無皮膚問題，只不過係重複地影同倒得太多次，對眼洗完又化妝又再洗，搞到少少紅紅地啫，同啲特技顏料完全無關。佢地團隊嘅安全性係絕對做到足的，我當日嘅皮膚亦完全無任何問題，特別在此更正返。