頭兩場的集體獨家贊助，公司名額今日截止報名（個人名義已經停止接受），請大家六點前將申請send嚟 hocc2016togetherlyexclusive@gmail.com 至於之後會唔會再開放名額，就要睇有無機會加場喇。

另外關於場數問題，好坦白咁解釋一下。

因為今次係完全自己投資，亦無其他主辦、另外渠道賣飛，甚至連優先訂票都取消咗，所以到底真係會賣到幾多場，對我地嚟講都係一個謎。

先開兩場唔係為賣關子，而係到時街真係會有超過六七成（萬幾張）嘅門票公開發售（平時演唱會得兩成即係幾千飛公開發售），如果大膽一開開曬咁多場但賣唔曬，我將要獨力承擔所有損失，一場演唱會製作費要幾百萬，到時賣血都唔掂。

知道大家成日好想等「尾場」，但奉勸大家今次唔好留力喇，因為真係唔一定會加場嘅。

公開發售時間暫定為八月中。