台灣早前有人發起做專屬台灣嘅金萱字體，75分鐘就達標超過1200%，最後仲籌得兩千幾萬台幣。

香港而家有人肯花時間做字，簡單兩個字形容曬，同個名一樣，就係「勁揪」啦，但當然亦逃不過某啲煩L嘅葡萄，第一時間唔係支持唔係俾鼓勵，而又係質疑，又係話人抽水、消費。

好心啦，又係呢句，悶唔悶啊。

真係好厭倦呢啲態度，你咁叻做到你咪去做另一個款打低人地囉，理得人地有無消費啫？自己做唔到又唔比人做，人地用心想做啲嘢又要撲出嚟嘈之巴閉，真係好變態。人地台灣做就個個出嚟撐，點解我地硬係要得個質疑呢？香港文化做極都唔能夠做得起唔係因為無人做，係因為無足夠嘅人支持。

65萬，你可以覺得貴，但設計師嘅薪酬唔係單靠你想像去衡量佢值唔值。當中包括用嘅時間，費嘅精神，仲有最重要嘅創意。佢呢隻字體我覺得好原創，亦於某程度上代表到我地香港人。更加唔係話求其寫就寫到，起碼我一定寫唔到，我相信你地好多人都寫唔到。

總之，一句講曬，支持就支持，唔支持就行遠啲。 我就撐硬。

而家只係籌到40%，淨返嗰60%，一人100，好快搞掂。

眾籌link : http://kickasstype.crowdfundhq.com/campaigns/xn--4ersft7x38ipocs57cjduselrox