SUPERGOO年度大碟“HEROES"

中秋快樂！！！！！為祝賀呢個中秋佳節同埋呢個國慶大日子，我地呢個SUPERGOO TEAM音樂部geh 黃YY何丙同陳肥肥經過幾個月加呢兩個禮拜geh超超超級趕工，終於完成我地呢隻超能大碟“HEROES"喇！！！！！黃偉文先生呢次真係堅中堅堅，發揮左佢最大超能力，兩個月寫晒全隻大碟所有歌詞，重要每一隻都甘特別同甘好，我真係唔知佢係咩構造。響未聽到歌前，比大家睇下我地呢次隻碟個造形，靚到我都唔知講咩好，大家自己睇下啦。由ALLRIGHTS-RESERVED同人打造，光明會LOGO CD PACKAGE限量特別版：圓dum dur，成個月丙甘，幾應節。三隻色，紅白黑，任君選擇當然我個人來講就當然最愛紅色啦，話晒係我地主題色！HOCC史上第一隻無樣CD，我諗會受歡迎過有樣，哈哈。十月八號見街。都係個句，GOO LUCK。