生日之二 + 媽打's day ＋ 再見twofive!

本來諗住都有D相post下，但原來唔係影得太多，甘就講多啦。

生日正日正是媽打's day，甘當然去飲個茶先啦，

除我菇爹菇母之外，我重叫埋包包同包媽.....

好耐無見喇！包包大左好多，同埋而家滿口廣東話喇，哈哈.....

同埋而家所有小朋友都係電子小神童，相機電腦NDS IPHONE攞上手全部nack過你童我，哈哈.....

為食包包食包包......

呢個妹真係越來越似媽媽.....

去攞車之際遇上遊行隊伍，包包菇爹菇母留影，呵呵呵呵。

好喇，飲完茶，我地就移動到大尾篤篤篤篤篤篤.....

去舉辦我地geh“何菇仔生日及再見二五派對”喇。

見呢排大家響度亂估亂講，又都好多人問問貢，

甘就等我都講一講喇，

話晒大家跟隨我甘多年，就認識二五甘多年，都應該交代一下比大家知geh。

其實好簡單，就係，二五本來就一係個做creative geh單位，

到而家佢已為人父，我亦已長大成人，

佢都係時候去發展自己geh路。

就係甘喇。講完。

聚散分離本來就係人生一部分，合久必分都未必係壞事。

我地大家都祝佢前程光明，期待到佢打響名堂個日我地再度用另一方式合作！！！

好喇，講完正經野，再講返D唔正經geh正經野。

呢日我地選擇左去大尾篤，因為我地想深深呼吸大自然之餘，

又知道有得踩單車同撐艇仔，所以一到達我地就成班人去晒租單車。

玩玩玩玩之後入夜就開始BBQ喇。

大家如對我手上的小紅腸有疑問，無錯，係我食geh。

一年一度生日BBQ，平日全戒飛禽走獸geh我決定獎自己食一日肉，哈哈。

BBQ無得燒腸仔不如唔好BBQ喇。

呢張相好似我細個生日party其中一張

呢個女又係大個左喇........成日瓜瓜叫......

特別多謝阿禮禮陪我狂擦到最後。

YEAHHHHHH HAPPY PARTY with my BEST PEOPLE，下年再見！！！！！