聖誕“喜羊羊”有獎遊戲！！

updated at 1:45am 27/12 : 好，遊戲截止喇，勝出者稍後公佈，謝謝各位參與！！！

HAPPY BOXING DAY!!!

記得細細個時候，呢一日就最開心，因為床頭掛左一個月寫住自己個名DENISE隻聖誕襪，終於可以打開，終於可以知道自己會收到咩聖誕禮物。諗返起黎，以前細個有呢d規矩，反而可以令到生活更加增添一d小期待。

好，既然係甘，適逢boxing day，為左令大家重拾一d期待，等我送出一份隨身小禮物啦！

其實係甘geh，尋日聖誕節supergoo blog tv christmas special期間，我心血來潮，承諾左在線geh朋友仔們，我會將呢隻“喜羊羊”送出。呢隻羊來頭不少，係我若干年月日前去日本時買geh。

佢，並唔係一隻普通geh羊，佢，係一隻能夠幫你保溫geh羊。佢個肚係開得geh，而入面有個小型暖水壺，裝左熱水入去，你就可以暖笠笠喇，係咪好想要呢？唔止添啊，因為佢跟左我成個巡迴，同我其他野放埋一齊，包括我支老人家必備之跌打酒，所以佢重有一陣幽幽的跌打酒味添架！！！係咪更想要呢？哈哈。

跌打酒味喜羊羊暖水袋！

好。拿，要得到，就當然要付出；

今次遊戲玩法好簡單。以下有三張我重遊七九八時影geh相，請大家為 每一張套上你認為最合適geh caption ，最貼題最抵死就為之優勝者 (即係好似你地睇明周d相下面gor d字。）！

PHOTO A

PHOTO B (中間係jelly)

PHOTO C

你可以用鬼馬，認真，文藝，感性，性感，荒唐，商業，另類，等等geh手法黎創作；中英法日俄文均可，不過重點當然係我要睇得明同覺得好啦，因為我係評判嘛 。啊，同埋記得注明photo A, B, C。

創作得最出色geh朋友可以得到我隻“喜洋洋”（不過要等我巡迴完先比得你，哈哈。）

明天早上截止。加油各位！！！！Happy Boxing day!

p.s. 聽講有人用IE login唔到，甘請大家用firefox, safari或google chrome 啦下。

p.p.s 大家得閒不妨幫我地click下旁邊d廣告，支持本站！謝謝！