Macpherson自問自答之等我recap一次

1）並不是三日三夜camping，乃是個製作超級認真之演唱會，只是以camping作為主題。

2）並不是伊館rerun，全新rundown全新感覺全新全身。p.s. 個set強勁過伊館。

3）Dress code：好明顯係山系，民族服或hippie look都唔區。(當然亦可以現場購買 Hall1c 即將推出新山系系列.....)

4）Full camping gear嚟講，唔係話唔俾你帶，但camper's zone成幾百個人，如果個個都起個帳篷都唔係好掂，總之帶乜都好，主要係顧及到其他人視線會不會受阻，互相照顧一下啦。

5）camping mat可以帶，picnic mat都可以帶，凳仔亦可以帶，但最好係小板凳咁高的，如果張凳太高（如真camper凳）的就麻煩大家自動自覺坐後排少少，大前提都係唔好互相阻擋視線，各位觀眾最重要互相尊重互助互愛，唔好有口角，唔好要我地工作人員出手調停。

6）至於點解係camping theme當然有原因，但睇嚟要寫篇好長嘅文先講得曬，大家可以睇返第二段live feed，裡面有稍微講咗d。

7）今次正確嚟講其實係GOO&FRIENDS in Macpherson Woods，所以嚴格嚟講係無嘉賓的，只有friends們。

呢個係十八種香港中轉站，之後會發生咩事會唔會再發生咩事都係未知之數，但走咗好幾個月，有好多人參與過，認識咗，所以想響呢個普天同慶嘅日子裡，來個小小總結，同所有呢d路上遇見過嘅朋友聚一聚，包括你地。呢幾場macpherson之後，本菇同成個團隊應該會稍作休息，整合後再諗諗之後會點樣再走落去，所以特意邀請全部有出現過嘅朋友在台上台下再聚，包括雞餅，karmen, subyub, kevin等等。

到時會超級準時開場，希望大家準時進場。 27/12三點加場門票將於下星期二早上十點開賣，加油撲飛喇，感謝各位多月來支持，本菇感激不盡！