媽媽~~~你回來啦~~~(小新腔）

打渣姣!!!!

見到我一口流利的國語，就知到我一定係返左去我上個月差不多好似定左居的台灣喇。不過我個title唔係表達緊呢樣野，而係想話我回來呢個blog喇，yeah!!!唔好意思，因為goomusic用開個server實在太不穩定，應該係八字唔係太夾，成鬼日都down左server。亦可能係你地太澎湃攪到人地不停要休息。點都好啦，我地而家攪緊，遲d就會好好多架喇。放心放心。

好，無啦啦因為電影期向後移，突然放左個幾禮拜假，到今天又要回到工作中。睇黎我geh外遊運已開始，數埋呢兩個月響酒店訓多過響屋企訓幾倍有多，不過我又幾享受，有少少偷走的感覺。為左營造呢個工幹好似放假geh效果，我每次來台灣，盡可能都會一個人過來，唔需要助手一齊過來。

呢個獨遊的浪漫感覺非常好，大家有機會都可以試下。

Cathay pacific lounge food....

做藝人一個最好而我又唔會客氣去享受一個褔利，就係坐飛機一定坐business class以上（當然去慈善探訪除外），連帶當然就係上機前會去lounge坐坐。我想表揚下cathay個business lounge，呢幾年renew左之後都真係幾出色，靚之外，食物亦好有水準，唔係求求其其打發你就算個o種。暫時number one係taiwan個lounge, 有一個超好味的素菜麵同麻醬麵。GOOD!!!

今日我就食左呢個擔擔麵。都ok。

不過奉勸大家，搭飛機最好都係戴口罩，飛機太多太多病菌響同一個空間飛來飛去，我好驚。（不過戴左而家都有點作病. )

又係你！！！我唔會中你計啦今次！！！！

返到黎同一家酒店，一入房就見到佢 ！！！好可惡啊，佢地呢間酒店好狡猾甘將呢兩個魔鬼放響最顯眼geh臺面，就係因為甘樣我上次住到中途突然肥左好多。見過鬼怕黑，我今次唔會再比你引到我喇！！！美味的妖孽，同我彈開！！！！！

好喇，真係有點作作地病，早d訓，明天掙取只得一天的時間排練排練。

菇奶。

Share on Facebook媽媽~~~你回來啦~~~(小新腔）