記得好多好多年前，我還在東亞初期，公司舉辦了某個比賽，認識咗呢個仔。當年覺得佢唱功不錯，自然討好，有點潛質，無奈無甚機會，挨咗多年都依然唔係好多人聽過佢名字。

本來以為佢已經無再做歌手，結果今晚響fb見到呢首歌；原來咁就十年，有點感慨。字行間，畫面細節上，見到呢個當年嘅年輕人成長了，亦能夠睇到佢多年來不為人知嘅艱難，真心為佢嘅堅持所感動。

有d人就係咁唔識死、硬頸、不言敗。無論幾困難，就算過咗幾多年，即使認識自己嘅人始終唔多，都係想繼續試，繼續做。為嘅，就係證明自己盡力過、拼搏過，起碼能無悔，對自己有所交代。

彭永琛琛仔，咬實牙關再拼下去，機會可能就在轉角處。 衷心祝福你。

Sean Pang 彭永琛 Fans Page https://www.youtube.com/watch?v=0HgsbYa5aMc