HALL C1

都係個句，平時認認真真講野就無人寫，做十日談講公益就得個小小格報導，反而玩遊戲亂甘答就無啦啦變C1，唔吹漲就假，而且，假設我尋日答geh係相反的話，我相信大家亦唔會甘樣報導法，由此可見，大家跟本係想聽到自己心裡面geh答案，跟本我答唔答同答咩野都唔係一個重點，大家只會選擇自己想要geh字眼去聽到。

不過，又再換個角度來講，點解大家（包括歌迷途人等等）要甘大反應呢，我覺得“你係咪同性戀？”呢條問題，其實同“你鍾唔鍾意食西蘭花？”或者“你鍾意秋天定夏天？”，一樣甘無代表性，係與唔係，鍾意與唔鍾意，同樣唔會構成我人格同自身任何影響同分別，亦唔會令到我D歌好聽或難聽左，大家如果到呢個年代都仲甘大驚小怪的話，思想未免太狹窄喇。

不過算啦，唔玩都玩左，唔寫都寫左，最好大家以後就咪鬼再洗問我呢d悶問題就最好啦下，八年前又係問呢個問題，八年後今日仲問緊，我唔想今日geh八年後都仲要比人問住仲要覺得好新奇啊大佬 。

啊，仲有，紅館十月期已定，SAVE THE DATE!!!!!!!!