多謝所有特登山長水遠嚟到Hall3加拿大呢邊搵我地嘅朋友們，包括各路英雄好友腦細填詞人文人雅人音樂人同路人政治人年輕人，亦特別多謝好多好多個集體獨家有種贊助商戶，不單只出錢，仲出埋力，特登嚟到書展買書支持我，見到大家我都好高興，重點係個個都無話要「特事特辦」，每一個都規規矩矩排隊買完書再排隊簽名，埋到嚟先細細聲話我知其實佢地係其中一個贊助單位，喂呀呢啲贊助邊度搵！

而家有點筋疲力盡，遲少少會逐一share返大家嘅合照，如果願意出鏡嘅贊助朋友，不妨喺自己個page度post完share返俾我（可以呢度留言提提我），我再share俾大家睇。

都多謝所有路過支持我地嘅朋友們，每一本賣出去嘅書，包括我嘅書畢明嘅書鄧九雲嘅書同埋有種寄賣嘅書，都係你地對我地嘅心意，你地嘅鼓勵我收到曬，感激！