Cosmo behind-the-sexyscenes!!!

(好戲在後頭！要睇到尾啊！）

見大家對於我呢個cosmo cover甘熱愛，等我比多幾張鏡頭後的珍藏比大家睇睇啦！！！！

一個大背脊。呢件gucci真係幾鬼勁，最抵死係佢雖然用料係好黏好有彈性geh布，但係佢竟然又非常甘挺，d膊頭位同cutting都非常好。背面就唔洗講啦，擺明係為你地而設啦下。

化好妝喇，先影為快。

呢張相重點唔係我對成龍手，而係對鞋。我真係唔明點解而家d鞋要越來越高，慌死仆你唔死甘。我呢對涼鞋款五寸高重要個鞋裡面係用皮做，即係行一步隻腳就會跣四分一出黎。真係好玩喇。

拿拿拿，我係比較喜歡呢條裙，我重以為佢地會選呢個做封面添，哈哈。本來YY響若干禮拜前有問過我想唔想著呢條裙去勁歌頒奬，甘arm呢日影相cosmo又借左，一試之下就唯有叫黃生死心，因為呢條裙真係有點太危險，根本係無可能著出公眾場合，除非我係想上C1啦，哈哈哈哈。唯有拍硬照留個倩影啦。

大家睇下影得我個人幾長，哈哈。

蠟像菇！（原來我隻手都真係幾大）

最後奉上我個人覺得最靚o個張（但係唔知點解雜誌無揀到？）。

多謝捧場，cosmo二月號，現已與各大報攤有售！買喇喂 ！

Share on FacebookCosmo behind-the-sexyscenes!!!