澄清啓事：

本來今早心平氣和，結果見到FACE個標題，差d爆血管，本來平時都完全唔會理呢dX街雜誌，但呢次影響我個人聲譽問題，有必要在此作出澄清。

事源昨天FACE記者打來，懶正義咁話想做一個關於《撐起雨傘》的專題，想問問我細節，本來我平時呢D八卦雜誌訪問一律拒絕，但佢地講到話唔會架我地係講首歌架咋，咁就做啦。結果訪問期間已經覺得唔對路，問埋曬D怪問題，我就話：「咪住先，你地到底係想用咩角度講呢件事，如果係搞事就唔該唔好問我喇。」個記者話：「唔會架我地係講首歌架咋」

結果再問有無其他歌手唔肯參與，我嘅答案明明係：「你唔能夠用咁樣嘅角度切入，每個人都有自己難處同立場，正如我之前都要去巴黎兩日，咁如果我唔去，人地品牌花費幾十萬準備，髮型師化妝師攝影師全部都會被影響，咁基於各種原因我都一定要出發，既然我呢D級數都會咁，何況其他巨星呢，佢地更多人跟住佢地做野，做每一個決定都有更大考量。況且大家有自己表達意見嘅方法，可能大家立場亦會有不一樣，只要做到自己能力內做到嘅就已經ok，唔可以話人地唔參與就唔ARM囉。」

我個答案明明係咁，係叫佢地唔可以話人地唔參與唔ARM，而家個標題咩「巨星拒唱撐傘歌，何韻詩：有人跟住佢地搵食」，反而搞到好似我怪責佢地唔參與，有無搞錯！！！！！

呢次只怪我太天真，以為到呢d時候人人都係為件事，結論係X街雜誌永遠都係X街雜誌，這是不變的真理。訪問完人又要陷我於不義，唯恐天下不亂嘅標題黨，咁嘅時候大家抗爭到覺都無得點訓，重要嚟抽我水，好心就積下陰德收收手啦。

今日嘅教義係，人真係唔可以心軟。