曾sir之：GUM

尋晚唔小心痴左舊GUM響件衫度，激氣又徬徨之際，

靈機一觸，上網搵搵先。

打入“HOW TO REMOVE GUM FROM CLOTHING”，即刻彈出二百個網頁，

原來都有好多方法，有幾work我就重試緊，同大家分享下啦，

1)用水煲，

將受污染地區浸落滾水度，用刀背刮佢，

再響滾水入面捽佢，

重覆。

（問題係點樣響滾水入面捽呢....)

2)電油（petrol)

中文係咪白電油呢，用電油溶解佢，再個別洗件衫以除去電油味。

用少少得架喇，小心著火。

3）冷涷方法（我係試緊呢個）

將衣物放入冰箱，當舊GUM冰左之後，攞出黎刮佢兩巴。

應該係唔能夠令全部gum退去架喇，呢個方法過後應該再要使用其餘方法。

4）花生醬（真定假啊）

將花生醬塗上，據說花生醬geh油性係會令舊GUM離開布料。

如果花生醬令衣物有油漬，大家可以用WD-40除去。

（試唔試就隨你喇，有咩事唔好賴我。）

5）燙斗

用一塊紙皮鋪響底，將GUM部份向下，燙。

6）醋（應該係白醋喇）

整熱d醋，再用舊牙刷刷。

係甘上下喇，打甘多唔知為乜，有無人甘ARM又痴左gum響件衫度呢，有唔該話我聽。