博客比賽之比賽以外。

在幾天前，我把一個電郵發了出去，告訴我們gooblog的訂閱者們他們可以參加一個博客比賽，勝出的朋友除了能得到SUPERGOO DVD外，文章更有機會在gooblog上被登出。這幾天來收到無數的電郵回覆（有些更多到被轉到JUNK裡面了，還好我眼明手快把他們救出來了，哈哈），真的非常謝謝大家熱烈參與，我正在認真的審閱，還有兩天，希望大家繼續奉上你們最好的作品。

在眾多參賽作品當中，佔了很大部分都是寫我，如何認識我之類的，本來也不覺得會選這一類型的文章，不過當中有一個真的”caught my eye”，因為她把我這麼多年來有說過的無聊話也都寫出來了。再次看回來，原來也是有些是不太無聊的。就把這個放在這裡跟大家分享吧 。

From Nicole Leung (雖然這不算是勝出作品，因為基本上這些都是我寫的，不過妳也會得到一張簽名supergoo喇，謝謝！）

大愛

2009.08.21

那年開始

知道了正能量為何物

漸漸的

愛上了

多得它

陪我對抗不時出現響我身上的負能量

聽完某人這些話

情緒一度很激動

這番話

我一定會好好記住

亦會成為我的座右銘

帶著我往前行

“其實我嗰人幾阿Q，正所謂“像鐵金剛，沖過去”，我將自己演繹咗成為一個鐵金剛,刀槍不入geh。係我心目中，其實有好多時出面負面嘅嘢可以影響到你，就係因為你俾佢影響到。只要你心無歪念，向你自己嘅目標去進發嘅時候，側邊嘅邪魔鬼怪佢要點樣去做一D嘢，點樣放一D暗箭，點樣去攻擊你嘅時候，其實只要你睇唔到佢，根本佢都唔存在。對我嚟講嗰D係另外一個channel嘅嘢嚟嘅，即已經唔係我世界入面嘅嘢嚟嘅。即等於嗰世界可能有好多其他空間嘅嘢，咁但係你都睇佢唔到，咁佢點會影響到你呢？我唔會俾呢D嘢影響到，而我對自己嘅群眾好有信心lor，即我會覺得我在乎嘅人，佢地唔會去相信呢D嘢，相信呢D嘢嘅人我唔會在乎佢地，咁其實已經OK lor。”

今晚

突然很想post某人講過的話

每看一次

又使我增加了一點向善的力量

唔好用你把尺去衡量別人。

如果大家能夠放開“斤斤”同埋“計較”，呢個世界會何其美好呢。

請緊記一點，肯蝕底geh人往往在將來會得到更多，做人唔係一時半刻geh事，凡事都應該睇得長遠D。

點解硬係要人地走咗先識得記起佢有幾好呢？

當兩個人從一個地方走出來，其中一個大叫話非禮啊！！！大家好自然就會有左first impression，o甘啊B君再講咩都無用，都會比人覺得佢非禮左啊A。但有無諗過其實原來非禮人個個係啊A君呢，只不過佢講得比啊B快所以大家就信左佢先。

話時話，其實“窮”點解就係等於負面無用同衰呢，有錢亦唔見得就一定係好人。

拿，世事呢，真係絕少絕對geh，當你以為一定係甘，哈，原來就係唔係甘，當你覺得一定唔會係甘啦，哈哈，佢偏偏就會係甘。

這一刻，如果給你一個願望，你會希望怎樣？

既然都講得出一個願望，而呢個願望其實能夠憑自己努力去完成，仲唔坐言起行，衰仔！！！！

“對於生活大大小小事，我們大概都要學習看開。讓不開心停留一個小時兩個小時，就快用思想安慰自己，跟自己說有什麼大不了，只要不是自己或家人朋友身體有毛病，什麼都能解決，什麼都沒大不了。過兩天過兩個月過兩年，曾經深刻都會漸淡去。其實，說到底，什麼都只是過眼雲煙而已。”

生活就是要往前走，往前看，聚散分離是必然，卻不一定是壞事，有時肯去走出這一歩，可能會找到更大更闊的天空。好朋友，謝謝你一路上陪伴，希望你能成功，快樂，找到你想要的。

一小時前，我有點upset，不過而家自己叫自己無事喇，呢d就係我自己口中geh“過份樂觀”喇。

人生就是一個又一個離別，難過，恢復，以為自己變得堅強點，跟住下次發現原來難過並不會減少。只有接受，面對。不過突然記起另一句話，站在門的這一邊，看來是死亡，但如果我們能越過去看另外一面，其實可能是另一個開始。面對生命，我們都要堅強。大家都是。

我今日針灸時仲有個好普通geh感想，就係，其實，人黎講，如果能夠食得落同訓得到，其實已經係好大褔份。

都市人對「成功」的定義太狹窄膚淺，是因為他們早已忘了生命的最基本。

對我來說，成功不是你從世界拿走了多少，而是你為世界付出了多少。

無知不是罪，人本來就知道得很少很少（當然包括我）。無知但不自知才是罪。

有身教…以身作則 >>>>>呢樣真係最重要，正如周博士教落，其實小朋友係無得“教”，小朋友只會學大人，大人點做佢地就會點做。大人要先做好自己，小朋友就會跟住學好。可惜太多人唔懂得呢個道理。

Invisibles裡面，最深刻是那個外傭的故事。其實香港也有千千萬萬個外傭的故事，離郷別井去外地打工，做粗重厭惡性工作不特止，重要受氣挨罵。那種孤獨有誰能明。很想跟所有家裡有菲傭印傭泰傭的朋友講，對佢地好少少啦，大家都係人，唔應該有高低之分。

你對人好，人地自然對返你好。這是定侓。如果個個都心存懷疑，你唔對我好我唔會對你好架，甘咪一個惡性循環lor。這是我的 theory.

係架，個個諗住“人地唔做我點解要做先啊？”，跟住咪個個都唔做lor。

我不太認同，當然凡事都需要適可而止，沒有人說要每天二十四小時都只看書，但我們的生活中絕對需要文學和晢學。

人生

有太多事情需要學習

我會繼續努力

這些日子以來的正能量

令我學會堅持

謝謝你.

(也謝謝妳，把我的話都收集起來了。再看回來也讓我覺得閒時亂說亂寫的也不是太沒意思呢！那我就會繼續亂寫啦，哈哈！！！！）

Share on Facebook博客比賽之比賽以外。