星期二,又一城見!!!

呢期又忙到飛起,無乜時間逐一覆大家嘅愛心留言,希望眾街坊體諒體諒!!!

不過大家如果想見吓我,或者手上面仲有D未簽名嘅「風行東京」想搵我簽埋佢,你地可以喺今個星二, 10月21號,下午2點至4點左右,去又一城搵我,到時我就可以幫你地簽埋D成績表、手冊、保險受保人....等等嘅簽名嘞!

事源係SWATCH有個25週年嘅慶祝活動,佢地請咗25個"所謂"香港嘅fashion icons嚟幫佢地設計25隻獨一無二嘅Swatch手錶作展覽,而小弟有幸被佢地選為25個之中嘅其中一個! (我諗佢地揀我嘅原因完全只係因為知道我嗰日得閒! haha...) 所以隻錶就幫佢地design咗嘞,想睇吓我design隻錶、想睇吓我、想撑吓我場、或者你嗰日純屬無聊無嘢搞又想趁吓熱鬧嘅話,就嚟啦!!!我喺度啦!不見不散呀!!!

PS:其餘嗰24位"fashion icon"包括有川久保玲、山本耀司、木村拓哉、金城武、梁朝偉、吳宇森、George Lucas、Miuccia Prada、Karl Lagerfeld、Brad Pitt、Johnny Depp、Nigo、藤原浩、尹光、張如城、程菲、同埋飯島愛.......等等!!! (都唔會出席嘅....)

多謝捧場!!到時見!!!

小弟的大作!!!

另外仲有N咁多張當日嘅相同各位未能出席嘅街坊分享,請到以下網址慢慢睇啦!!

(再一次多謝會長老公阿Ken義務做我嘅官方攝影師!!請大家再次比D掌聲佢!!!)

                         http://www.fotop.net/kenwu/HelenSwatchFunction

仲有樓下 三哥哥嘅留言內亦都有呢個function嘅相睇 (facebook album)!!

(請大家順便多謝埋三哥哥啦!!!!)