網上訂購「風行東京」!!

前2日同出版社食飯,掛名慶功「風行東京」出到第4版,實則就係想迫我盡快火速開始寫「風行東京2」!哈哈!不過我就好有你地一班住喺海外嘅街坊嘅心,幫你地問咗喺邊度可以上網online訂到我本書!編輯亦好好人咁第2朝即刻send咗以下可以訂購到「風行東京」嘅網址比我,海外嘅街坊請留意嘞!

提供 海外讀者購書網址 ：

1. 香港商務網上書城

http://www.cp1897.com.hk/

1. 香港書城

http://www.hkbookcity.com

1. 台灣博客來網路書店

http://www.books.com.tw

4. 台灣誠品

http://www.eslite.com

讀者可自行比較一下各網站的折扣及國際運費。

如果你身在海外但心在小弟,而你又仲未買到我本祕笈嘅話,就快D上網搵吓啦!!!

報告近況嘅時間又到嘞!呢輪都喺香港,終於都無咁忙嘞,近排除咗要做「流行東京2」嘅後期配音之外,基本上都無乜「世藝」,唔係瞓覺就係玩...即係終於可以做返我嘅正職嘞:一條社會寄生蟲!!非常enjoy!!enjoying to be a "society parasite"!! hahaha....我最近都差D忘記咗自己呢份正職添!(我而家直頭當自己過緊聖誕節架啦!!死未?! heeheehee...)

仲有, 「聖誕洪洪烈火BBQ交嘢聯歡會」現正繼續接受報名,來者不拒!到12月15号唯止!遲咗你就喺12月28号嗰日自己買把刀仔返屋企慢慢插大脾啦!! hahaha....呢個Christmas Party嘅 報名詳情請大家睇返我上一篇blog「聖誕聯歡會」!!! (辛苦晒副會長Tony一家四口,同埋一班A Grade嘅committee要員!!大家要多謝佢地幫我地安排呢壇咁大壇嘅「交嘢PARTY」!!!)