歌舞伎町的「船頭尺」!!

(以下報導,除了個露天Cafe茶座係真嘅之外,其餘嘅報導均實屬虛構!!!敬請留意!)

話說杜如風拍完第2輯流行東京之後,對住觀眾講:「我唔知道仲會唔會有下一輯,因為我已經喺新宿搵到工啦!」「就係做歌舞伎町街坊福利會會長嘞!」當時一眾觀眾都只以為杜如風只係喺度扮瞓街、扮乞兒、扮攪笑....哼!點知......佢真係做出嚟比你地睇!!行動勝於一齊言語.....佢真係做咗d我地點都估唔到嘅事嚟到去固定佢街坊福利會會長嘅地位!!!

杜如風化身「船頭尺」,決心要將KOMA劇場對出嗰塊平時只有乞兒喺度流連嘅大平台大翻身!要抬起我的頭來,為街坊市民做一點事!!

睇來呢個「歌舞伎町船頭尺」都算做得唔錯,大家有眼睇架啦!同「秋天的童話」中阿船頭尺喺Long Island嗰邊起嗰間 "SAMPAN"都真係幾拍得往喎!! Good Job Good Job!!!得閒行開咪過嚟我呢度坐底飲杯茶,吹吓水囉!! "Table for 2??" heeheehee...

(以上報導,除了個露天Cafe茶座係真嘅之外,其餘嘅報導均實屬虛構!!!敬請原諒!)

PS: 今期東touch, Book B有篇MuiMui嘅訪問呀!! (MuiMui係我隻愛貓呀!! heehee...) 東touch幫muimui做咗成4版紙訪問呀~~!!今次我實做星媽啦!以後唔洗做啦!! HAHAHAHA...快d去買本支持吓啦!!! THANK U THANK U!!!