東京放假之旅!!

緊接之前嘅「東京開工之旅」,大家期待之久嘅下集---「東京放假之旅」正式登陸!!繼第一日一條友茫茫然企咗喺涉谷街頭唔知做乜好(差D想自己開工拍嘢!)之後,我決定「的」起心肝---- 我今次係嚟放假架架架架架~~~~~~!!!

於是第2朝決定早D起身,帶好友阿Grace同Eric去下北沢食我極力推介嘅Waffle!三個好朋友一齊閒逛吓下北沢嘅小街,舒舒服服、寫寫意意, 去旅行嘅感覺終於都返嚟啦!!!! 實在太好啦!!!!

去片啦~~~~~

Waffle店門外,遊客記念相!! (你睇我地2個幾遊客!! GOOD!!)

影過無數次嘅「聖誕樹waffle」!影極都唔厭,因為實在太好食啦!!!

又返我「公司」(mercibeaucoup) 開工!!! 買哂吖唔該!!!! heeheehee....

呢張火車內嘅相係Eric影嘅,佢認為火車內最有趣嘅就係呢個角度嘞!! (藝術家即係藝術家!!) 佩服佩服!!

Eric Kowk喺N年前幫張學友寫咗一首好好聽嘅歌叫「有個人」,但佢點都估唔到N年之後嘅情人節,竟然真係「有個人」橦咗喺佢地呢對情侶面前,而呢個人仲要面皮厚到黏埋餐情人節嘅romantic dinner一齊食! Eric自己都暗嘆:「唉...呢鋪真係有個人啦.....」大家一場兄弟,無計啦!!!

特級和牛sukiyaki!!!好味到不得了!!有咁高級嘅牛肉食,就算無仔伴陪在旁,呢個情人節一樣過得極度開心!!!有好友、有靚牛,夫復何求呢!!?! 「~~同行共創造情人節運氣,相識一天算起,我敢擔起各樣牛肉盤,有老友仍是你~~~~」 hahahahaha.... (「有個人2009之情人節黏飯食版」!)

仲收到阿Grace送嘅心心朱古力情人節禮物!!!呢份小小心意,甜到我呢!!好感動呀!!!

另一份情人節禮物,係同行嘅另一位女性好友(阿嫂)送的!仲要係佢親手夾比我架!!! 今個情人節雖然缺了一個男人,但好友間嘅友情親情搭救有凸!!我又一次feel到我嘅人生充滿愛啦!!!! Thank u thank u!!!! You all made me the lucky one!!!