補簽大會!!!

<風行東京2>及<遊魂東京>之補簽大會

由於好多街坊因為書展期間攞唔到籌攞唔到小弟同Edwin嘅簽名,差D想嚟斬我同埋淋我紅油,所以......難得咁啱三聯書店同觀塘APM商場將會搞一個「APM達人夜書市」嘅活動,又咁啱有作者簽名會嘅環節...GOOD FIT啦!!!摼水摼力,大家又唔洗比錢入場!一於借人地個場嚟搞事啦!!!

日期：2009 年 8 月 15 日 (六)

時間：下午 2 時至 3 時

地點:  觀塘APM一樓商場大堂

大家到時可以帶返我啲書嚟比我簽,亦可以即場買、即場簽(現場買又係一律8折,又蝕!)

如果你地本<風行> <遊魂>未簽嘅,就喺下星期六自動出現啦!又或者你地純悴想去APM行吓街,就.....幾時去都得!! hahahaa....

**請各位留意住我個blog,隨時有更詳細嘅資料update!不過地點、時間、日期就已經鐵定咗架啦!!

到時同我一齊去踩場啦!!!!