澳門週末良心派對

上週末跟男友回澳門, 目的有二:攞五千大圓以及出席Macau Flash.

下午sound check時見一隊band有sampler加小提琴, 覺得幾有趣留意一下. 由於近視眼又懶帶眼鏡, 一直眼朦朦. 直到break 時我走近DJ booth 才發現小提琴手竟是S.T.細豪!!!一直以為他是solo玩機的, 原來 小提琴演奏級是也! 深藏不露低調低調. :)

而Macau Flash的場地其實不錯, 空間夠, raw raw地夠underground. 可惜sound system不完善, Dubstep同Drum n' Bass 無sub woooooofer就真係浪費了DJ同D歌. 加上一入midnight仲要變細細聲演唱會, N1D打Dubstep時實在聽唔到details. BF打最後，我講, 仲有last一個鐘, 咁打法不如唔好打. 大聲D真係有人complain又等到有police最多就係完, 好過就住就住咁辛苦, 大家又咩都聽唔到不如早d收皮. 一開頭佢都係無咩聲. 後來把心一橫推高, dancefloor即有反應. 其間有一band友兩度去DJ booth講好耐話細聲D咩咩咩. 我真係想比件"fuck off i am mixing" t-shirt 男友著. 首先, 要講就由organizer 講, 幾廿人o係dancefloor 係要一個正常音量既party. 其次係人地mix緊，要把握時間專心聽住, 你估真係press個play button呀? 你一句起兩句止啦. 你on stage唱歌我一路走過黎叫你細聲D咁講勁耐你會點? 呢一個係respect既問題. 攪Party有時有D人會走去DJ booth 又講: 唔好播呢D野啦, 播(勁pop的) hip hop, RnB啦! 你要聽個D咪去hip hop rnb party 囉. ( 不過我不是反RNB HIP HOP的, 有d好好聽好好玩的!) 去dnb, dubstep party 要DJ轉歌打commercial hip hop Top10? 呢度唔係點唱background music 比你溝仔溝女. 你要respect **performer . If you don't like the shit, you can get out of here. Find a right place la right people.

對不起我又發嘮嗦了．雖然如此我仍然非常appeciate Macau Flash 的organizer. 作為民間自發有限budget的event, 有人企出黎身水身汗吟荷包做實在值得拍手. 堅持一定得, 人們需要更多的選擇,以及尊重音樂的良心派對.