講真，其實關DLDK咩事？依家係搞手比嘉賓放飛機，啊 sor！係「爛飛機」！仲有得喺香港打真係已經好好啦！唔通為咗16-17歲嘅audience而去再洗幾十萬租亞博一晚？我最期待的畫面出現了！啲錢點變出嚟？定係同Skrillex嘈叫佢賠？佢睬你都傻啦！而且邊個敢同Skrillex嘈啊，佢大可以一句「我以後唔嚟香港啦，以後飛上海睇我打啦！」上個月台灣Bon Jovi一個「話打風」，風都未到就自己飛走咗，演唱會都唔開，結果落咗幾滴雨咋！

識睇一定睇留言：「亞博又煙花又好音響，依家去levels有無搞錯啊！回水！」你係想去聽Skrillex定係睇煙花？痴孖根！幻彩匯香江啊？！要煙花！要「配樂」！人多！最緊要免費！離晒譜！真心鍾意嘅無club場就咁係街打駁m仔都support！

呢個仲好笑：「門票一早丟晒啦！宜家先嚟講要門票！誠信破產！呃錢！」DLDK個page當晚就講咗要keep飛，睇唔到唔好怪人！就算你睇唔到，Skrillex 9點05分就已經宣佈Levels afterparty改今日，你唔係諗住去到門口指住自己個鼻就入到啊嘛？我識你老鼠啊！Keep入場證明是常識吧！

我明白16-17係會好唔開心，但係佢地已經盡晒力，我都諗唔到更好嘅解決辦法。如果賠比16-17，18+果啲一定都嘈住要賠，必定！所以只可以一係唔賠，要賠就賠晒！有可能咩？

再講，如果真係要逼死DLDK嘅，以後香港聽乜DJ？飛去外國囉～ 翻大陸囉～ 睇嘢睇遠啲啦 唉...