My Chemical Romance Live In HK

收到通知去睇喇! 今次做野行先,去影live,老實講,本人第一次影Live show相係睇Mansun,諗返起都係因為個次第一次睇band show而鍾意左Rock野!好難忘係,個次都係朋友請,呵呵,之後代價大.....呢舖癮吊到家下都仲係未夠!

睇見十幾歲的讀書朋友,個個係到尖叫,我又不期然諗返當時既自己,一模一樣!係呢到要特別多謝「天涯鏡」同兩位朋友!(一鏡跑天涯,果然唔惹少!真係玩過都唔捨得放手!)點都好啦,總之今日好開心,好彩中午send定E-mail叫朋友等我,將我既興奮全盤倒晒俾佢,有人分享開心事,都可以係一件好幸福既事,仲有我班死黨,愛死你地!(因為事緣日前非常不愉快,朋友們死捱難捱聽我係到亂吠,你地真係功德無量!)

相已經係一個鐘頭前交出,唯揀呢張俾自已post啦。聽My Chemical Romance 歌既時候已經覺得佢地衡衡地,一種美式Rock既感覺,尤其D唱腔同和音,好Metal底,怪不得連D結他佬都彈得咁起勁,哈,仲係長毛,metal佬style,單拖企係後面set聲位聽歌,照樣同大家一樣又跳又叫又拍手,咁先係睇band show!

好期待Bjork同Karen Ann(聞說法國五月Karen Ann會黎演奏廳開show!仲係聞說,期待同留意下勒!!)

報導完畢,多謝收睇!